ദില്ലി : ബിജെപിയുടെ ദ്വിദിന ദേശീയ എക്‌സിക്യൂട്ടീവ് യോഗത്തിന് ദില്ലിയിലെ മുനിസിപ്പൽ കൗൺസിൽ കൺവൻഷൻ സെന്ററിൽ സമാരംഭം. ആവേശം അല തല്ലിയ മെഗാ റോഡ് ഷോയ്ക്കു ശേഷമാണ് പ്രധാനമന്ത്രി നരേന്ദ്ര മോദി ദേശീയ എക്‌സിക്യൂട്ടീവ് യോഗത്തിനെത്തിയത്. പട്ടേൽ ചൗക്കിൽ നിന്ന് ദേശീയ എക്‌സിക്യൂട്ടീവ് യോഗം നടക്കുന്ന കൺവൻഷൻ സെന്റർ വരെ ഏകദേശം ഒരു കിലോമീറ്റർ റോഡ്‌ഷോ നടന്നു.
മുദ്ര്യാവാക്യം വിളികളുമായി ബിജെപി പ്രവർത്തകർ പ്രധാനമന്ത്രിയെ റോഡിനിരുവശവും നിന്ന് അഭിവാദ്യം ചെയ്തു. വാഹനത്തിലിരുന്ന് പ്രധാനമന്ത്രി പ്രവർത്തകരെ കൈവീശി കാണിച്ചു. പ്രധാനമന്ത്രിക്കൊപ്പം 35 കേന്ദ്രമന്ത്രിമാരും 12 മുഖ്യമന്ത്രിമാരും 37 പ്രാദേശിക തലവൻമാരും ദേശീയ എക്‌സിക്യൂട്ടീവ് യോഗത്തിൽ പങ്കെടുക്കും. 350 പാർട്ടി പ്രവർത്തകരും യോഗത്തിൽ സാന്നിധ്യമറിയിക്കും . യോഗത്തിന്റെ ഭാഗമായി ആറു തീമുകളിലായുള്ള മെഗാ എക്സിബിഷൻ ബിജെപി ദേശീയ അധ്യക്ഷന്‍ ജെ.പി.നദ്ദ ഉദ്ഘാടനം ചെയ്യും
