ദില്ലി: സിബിഎസ്സി 10, 12 ക്ലാസുകളിലേക്കുള്ള പരീക്ഷാ തീയതി പ്രഖ്യാപിച്ചു. മെയ് നാല് മുതല് ജൂണ് 10 വരെയാണ് പരീക്ഷകള് നടക്കുക. ജൂലൈ 15 ഓടെ പരീക്ഷാ ഫലം പ്രഖ്യാപിക്കുമെന്നും കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാല് നിഷാങ്ക് അറിയിച്ചു.
സിലബസില് 30% കുറവ് വരുത്തിയിട്ടുണ്ട്. പരീക്ഷകള് സംബന്ധിച്ച കൂടുതല് വിവരങ്ങള് സിബിഎസ്ഇയുടെ ഔദ്യോഗിക വെബ്സൈറ്റില് (www.cbse.nic.in) ലഭ്യമായിരിക്കും. സിബിഎസ്ഇ ബോര്ഡ് പരീക്ഷാ നടത്തിപ്പ് സംബന്ധിച്ച ആശങ്കകള്ക്ക് മറുപടിയുമായി രംഗത്തെത്തിയ വിദ്യാഭ്യാസ മന്ത്രി ഒറ്റ പരീക്ഷ പോലും ജനുവരിയിലോ ഫെബ്രുവരിയിലോ നടത്തുകയില്ലെന്ന് നേരത്തെ തന്നെ വ്യക്തമാക്കിയിരുന്നു. എന്നിരുന്നാലും, പത്താം ക്ലാസ്, 12 ബോര്ഡ് പരീക്ഷകള് ഒരു ഷെഡ്യൂള് റദ്ദാക്കില്ലെന്ന് അദ്ദേഹം ഉറപ്പുവരുത്തി.
എല്ലാ കൊറോണ വൈറസ് മാനദണ്ഡങ്ങള്ക്കും പ്രോട്ടോക്കോളുകള്ക്കും വിധേയമായിട്ടായിരിക്കും പരീക്ഷാ നടത്തിപ്പ്. കൊറോണ വൈറസ് വ്യാപനം മൂലമുള്ള മൂന്ന് മാസത്തെ കാലതാമസം കോളേജ് പ്രവേശനത്തെ ബാധിക്കുമെന്ന ആശങ്ക ഉയര്ന്നിട്ടുണ്ട്