കൊച്ചി: സില്വര്ലൈനിന്റെ പേരില് റെയില്വേ ഭൂമിയില് കല്ലിടരുതെന്ന് രേഖാമൂലം നിര്ദേശം നല്കിയിരുന്നെന്ന് കേന്ദ്രസര്ക്കാര് ഹൈക്കോടതിയില്. സില്വര്ലൈന് സാമ്പത്തികാനുമതി നല്കിയിട്ടില്ലെന്നും, സാമൂഹികാഘാതപഠനം നടത്താന് സംസ്ഥാന സര്ക്കാര് റെയില്വേയെ സമീപിച്ചിരുന്നില്ലെന്നും കേന്ദ്രം വ്യക്തമാക്കി.
മാത്രമല്ല കെ റെയില് കല്ലിടലിനെതിരായ ഹര്ജികള് ഹൈക്കോടതി വേനലവധിയ്ക്ക് ശേഷം പരിഗണിക്കും. സില്വര്ലൈന് കല്ലിടലുമായി ബന്ധപ്പെട്ട ഹര്ജികള് പരിഗണിക്കുമ്പോഴാണ് കേന്ദ്രസര്ക്കാര് ഇക്കാര്യങ്ങള് അറിയിച്ചത്.
അതേസമയം പദ്ധതിയുടെ ഡിപിആറിന് ഇതുവരെ അന്തിമാനുമതിയും സാമ്പത്തികാനുമതിയും നല്കിയിട്ടില്ലെന്നും കേന്ദ്രം ഹൈക്കോടതിയില് വ്യക്തമാക്കി. സില്വര്ലൈന് പദ്ധതിയില് സര്ക്കാരിനോട് ഹൈക്കോടതി നേരത്തെ വ്യക്തത തേടിയിരുന്നു. നാല് കാര്യങ്ങളില് വ്യക്തത വേണമെന്നായിരുന്നു ഹൈക്കോടതി പറഞ്ഞത്. മാത്രമല്ല ഇതില് വ്യക്തത വരുത്താന് കേന്ദ്രസര്ക്കാരിനോട് കോടതി ആവശ്യപ്പെട്ടിരുന്നു. ഇതനുസരിച്ചാണ് കേന്ദ്രസര്ക്കാര് കോടതിയില് നിലപാട് അറിയിച്ചത്.
എന്നാൽ സര്വേ നടക്കുന്ന ഭൂമിയ്ക്ക് വായ്പ ലഭ്യമാകുന്നതില് പ്രശ്നങ്ങളില്ലെന്നാണ് സംസ്ഥാന സര്ക്കാർ കോടതിയെ അറിയിച്ചത്. ഭൂമികള്ക്ക് വായ്പ നല്കാന് സഹകരണ ബാങ്കുകള്ക്കും മറ്റും നിര്ദേശം നല്കിയിട്ടുണ്ടെന്നും സംസ്ഥാന സര്ക്കാര് കോടതിയില് പറഞ്ഞു.