ബെയ്ജിംഗ്: കിഴക്കൻ ചൈനയിൽ കെമിക്കൽ പ്ലാന്റിലുണ്ടായ സ്ഫോടനത്തിൽ ആറു പേർ മരിച്ചു. മുപ്പതോളം പേർക്ക് പരിക്കേറ്റു. ജിയാംഗ്സു പ്രവിശ്യയിലെ യാൻചെംഗിലുള്ള ഫാക്ടറിയിലാണ് സ്ഫോടനമുണ്ടായത്. ഫാക്ടറി കെട്ടിടം സ്ഫോടനത്തിൽ പൂർണമായും തകർന്നു.
സ്ഫോടനത്തിന്റെ ആഘാതത്തിൽ സമീപപ്രദേശങ്ങളിൽ 2.2 തീവ്രതയുള്ള ഭൂചലനം ഉണ്ടായി. നിരവധി ഭവനങ്ങളുടെ ചില്ലുകൾ തകർന്നു. ഫാക്ടറിയിൽ നിന്ന് ഉയരുന്ന പുകയിൽ വിഷം അടങ്ങിയിട്ടുണ്ടെന്നാണ് റിപ്പോർട്ടുകൾ.