കൊച്ചി: കയറ്റത്തില് പിന്നോട്ട് ഉരുണ്ട മിനി ടിപ്പര് ഇടിച്ച് ബൈക്ക് യാത്രികന് മരിച്ചു. പേഴയ്ക്കാപ്പിള്ളി താണിച്ചോട്ടില് മീരാന് കുഞ്ഞിന്റെയും സുഹറയുടെയും മകന് ടി.എം. ഷിയാസ് (40) ആണ് മരിച്ചത്. പായിപ്ര സഹകരണ സംഘം കലക്ഷന് ഏജന്റാണ്.
മൂവാറ്റുപുഴ തട്ടുപ്പറമ്പ് പള്ളിപ്പടി റോഡിലാണ് സംഭവം. സിമന്റ് കട്ടയുമായി കയറ്റം കയറുന്നതിനിടെ ടിപ്പര് നിയന്ത്രംവിട്ട് പുറകിലേക്ക് ഉരുണ്ടിറങ്ങുകയായിരുന്നു. ഇതിനിടയിൽപ്പെടുകയായിരുന്നു ഷിയാസ്. ബാങ്കിന്റെ വൈകുന്നേരമുള്ള പിരിവിനായി പോകുന്നതിനിടെയാണ് ഷിയാസ് ടിപ്പറിന് പിന്നിൽപ്പെട്ടത്. നാട്ടുകാരെത്തി ഉടന് തന്നെ ആലുവ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല.