പെരുമ്പാവൂർ: മണ്ണൂർ കുഴൂരിൽ ജനവാസ മേഖലയിൽ നിന്നും വലിയ മൂർഖൻ പാമ്പിനെ പിടികൂടി. കുഴൂർ നിരവത്ത് ജോസ് എന്നയാളുടെ പറമ്പിലെ മാളത്തിൽ നിന്നാണ് പാമ്പിനെ കണ്ടെത്തിയത്. പാമ്പിനൊപ്പം ഇരുപതോളം പാമ്പിൻ മുട്ടകളും മാളത്തിൽ നിന്നും കണ്ടെടുത്തിട്ടുണ്ട്.
പറമ്പിൽ കുട്ടികൾ കളിച്ചുകൊണ്ടിരിക്കുന്നതിനിടെയാണ് പാമ്പിനെ ശ്രദ്ധയിൽപ്പെട്ടത്. ഉടൻ തന്നെ പാമ്പ് പിടുത്തക്കാരനെ വിവരമറിയിക്കുകയും അദ്ദേഹം എത്തി പാമ്പിനെ സുരക്ഷിതമായി പിടികൂടുകയുമായിരുന്നു. കുട്ടികൾ കളിക്കുന്ന സ്ഥലമായതിനാൽ വലിയ അപകടമാണ് ഒഴിവായത്.
വേനൽ കടുത്ത സാഹചര്യത്തിൽ പാമ്പുകളുടെ ശല്യം വർധിക്കാൻ സാധ്യതയുണ്ടെന്ന് മുഖ്യമന്ത്രി പിണറായി വിജയൻ മുന്നറിയിപ്പ് നൽകി. ചൂട് കൂടുന്നതോടെ പാമ്പുകൾ മാളങ്ങളിൽ നിന്നിറങ്ങി തണുപ്പുള്ള ഇടങ്ങളിലേക്ക് വരാൻ സാധ്യതയുണ്ടെന്നും ഇത് പാമ്പ് കടിയേൽക്കാനുള്ള സാധ്യത വർധിപ്പിക്കുമെന്നും അദ്ദേഹം പറഞ്ഞു.
