ദില്ലി: ഇസ്ലാമിലേക്കും ക്രിസ്തുമതത്തിലേക്കും പരിവര്ത്തനം നടത്തിയവര്ക്ക് പട്ടികജാതി-വര്ഗ വിഭാഗങ്ങള്ക്കുള്ള സംവരണ മണ്ഡലങ്ങളില് മത്സരിക്കാനാകില്ലെന്നും മറ്റ് സംവരണ ആനുകൂല്യങ്ങള്ക്ക് അര്ഹമായിരിക്കില്ലെന്നും കേന്ദ്ര നിയമമന്ത്രി രവിശങ്കര് പ്രസാദ്.
രാജ്യസഭയിലാണ് അദ്ദേഹം ഇക്കാര്യം വ്യക്തമാക്കിയത്. അതേസമയം ഹിന്ദു, സിഖ്, ബുദ്ധ മതത്തിലേക്ക് പരിവര്ത്തനം ചെയ്തവര്ക്ക് സംവരണ ആനുകൂല്യങ്ങള് ലഭിക്കുമെന്നും അദ്ദേഹം പറഞ്ഞു.
ദലിതുകള്,മറ്റു പിന്നൊക്കെ വിഭാഗങ്ങൾ ഇസ്ലാം, ക്രിസ്ത്യന് മതം സ്വീകരിക്കുന്നതും ഹിന്ദു, സിഖ്, ബുദ്ധ മതം സ്വീകരിക്കുന്നതും പ്രകടമായ വ്യത്യാസമുണ്ടെന്നും അദ്ദേഹം പറഞ്ഞു. ബിജെപി അംഗം ജിവിഎല് നരസിംഹറാവുവിന്റെ ചോദ്യത്തിന് മറുപടിയായിട്ടാണ് കേന്ദ്രമന്ത്രിയുടെ പ്രസ്താവന.ഭരണഘടന പ്രകാരം പട്ടികജാതിയാകുന്നതില് ഹിന്ദു, സിഖ്, ബുദ്ധ മത വ്യത്യാസമില്ലെന്നും മന്ത്രി വ്യക്തമാക്കി.
