ദില്ലി : മെഹ്റൗലി ഏരിയയിലെ വീട്ടിൽ വച്ച് എയർ ഹോസ്റ്റസിനെ ബലാത്സംഗം ചെയ്ത സംഭവത്തിൽ പ്രതി അറസ്റ്റിൽ
പ്രതിയായ ഹർജീത് യാദവ് പ്രദേശത്തെ ബ്ലോക്ക് പ്രസിഡന്റാണ്. ഇയാളെ അറസ്റ്റ് ചെയ്തിട്ടുണ്ടെന്നും പോലീസ് പറഞ്ഞു.
ഞായറാഴ്ച്ച മെഹ്റൗളി പോലീസ് സ്റ്റേഷനിൽ ബലാത്സംഗം സംബന്ധിച്ച പിസിആർ കോൾ ലഭിച്ചതായി ഡെപ്യൂട്ടി പോലീസ് കമ്മീഷണർ (സൗത്ത്) ചന്ദൻ ചൗധരി പറഞ്ഞു. പോലീസ് സ്ഥലത്തെത്തിയപ്പോൾ, കഴിഞ്ഞ ഒന്നര മാസമായി തനിക്ക് പരിചയമുള്ളയാളാണ് ഹർജീത് യാദവ് എന്നും അയാൾ മദ്യപിച്ച നിലയിൽ തന്റെ വീട്ടിലെത്തി ബലാത്സംഗം ചെയ്യുകയായിരുന്നുവെന്നും ഇര പറഞ്ഞു.
30 കാരിയായ യുവതി പ്രതിയെ മുറിയിൽ പൂട്ടിയിട്ട് 112 എന്ന ഹെൽപ്പ് ലൈൻ നമ്പറിൽ വിളിച്ചു.
ഇരയുടെ മൊഴിയുടെ അടിസ്ഥാനത്തിൽ, സെക്ഷൻ 376 (ബലാത്സംഗം), 323 (സ്വമേധയാ മുറിവേൽപ്പിക്കുക), 509 (സ്ത്രീയുടെ മാന്യതയെ അപമാനിക്കാൻ ഉദ്ദേശിച്ചുള്ള വാക്ക്, ആംഗ്യ അല്ലെങ്കിൽ പ്രവൃത്തി), 377 (പ്രകൃതിവിരുദ്ധമായ കുറ്റകൃത്യങ്ങൾ) എന്നിവ പ്രകാരം കേസ് രജിസ്റ്റർ ചെയ്തിട്ടുണ്ടെന്ന് പോലീസ് പറഞ്ഞു.
പ്രതിയെ അറസ്റ്റ് ചെയ്ത് ജുഡീഷ്യൽ കസ്റ്റഡിയിൽ വിട്ടതായി ഡിസിപി അറിയിച്ചു.

