Sunday, November 22, 2026

കോവിഡിനെ ശക്തമായി പ്രതിരോധിച്ച് ഭാരതം ; ഇരട്ടിയിലധികം രോഗമുക്തർ; പ്രതിദിന രോഗികൾ പതിനായിരത്തിൽ താഴെ

ദില്ലി: കോവിഡിനെ ശക്തമായി (Covid India) പ്രതിരോധിച്ച് ഭാരതം. പ്രതിദിന രോഗികൾ പതിനായിരത്തിന് താഴെയായിരിക്കുകയാണ്. മൂന്നാം തരംഗം ആരംഭിച്ചതിന് ശേഷം ആദ്യമായണ് രോഗികൾ പതിനായിരത്തിന് താഴെയെത്തുന്നത്. കഴിഞ്ഞ 24 മണിക്കൂറിനിടെ രാജ്യത്ത് 8,013 പേർക്കാണ് രോഗബാധ സ്ഥിരീകരിച്ചത്. ഇരട്ടിയോളം രോഗമുക്തരും റിപ്പോർട്ട് ചെയ്തു.

16,765 പേരാണ് രോഗമുക്തി നേടിയത്. ഇതോടെ സജീവ കേസുകളുടെ എണ്ണവും കുറഞ്ഞു. 1,02,601 പേരാണ് നിലവിൽ ചികിത്സയിൽ കഴിയുന്നത്. പ്രതിദിന പോസിറ്റിവിറ്റി നിരക്കും കുറഞ്ഞു. 1.11 ശതമാനമാണ് രാജ്യത്തെ ടിപിആർ. ഇതുവരെ ആകെ 4.23 കോടിയിലധികം ആളുകൾ ഇതുവരെ കോവിഡിൽ നിന്നും മുക്തി നേടി. അതേസമയം കഴിഞ്ഞ 24 മണിക്കൂറിനിടെ 119 മരണവും റിപ്പോർട്ട് ചെയ്തിട്ടുണ്ട്. ഇതോടെ ആകെ മരണം 5,13,843 ആയി. ഇതുവരെ 177.50 കോടി വാക്‌സിൻ ഡോസുകളാണ് രാജ്യത്ത് വിതരണം ചെയ്തതെന്നും ആരോഗ്യമന്ത്രാലയം അറിയിച്ചു. സംസ്ഥാനങ്ങളിലും രോഗബാധ കുറയുകയാണ്.

രോഗബാധ രൂക്ഷമായിരുന്ന കേരളത്തിലും കോവിഡ് വ്യാപനം കുത്തനെ കുറഞ്ഞു. കഴിഞ്ഞ ദിവസം സംസ്‌ഥാനത്ത് 2524 പേര്‍ക്ക് ആണ് രോഗം സ്ഥിരീകരിച്ചത്. എറണാകുളം 393, തിരുവനന്തപുരം 356, കോട്ടയം 241, കോഴിക്കോട് 220, കൊല്ലം 215, തൃശൂര്‍ 205, ഇടുക്കി 160, പത്തനംതിട്ട 142, ആലപ്പുഴ 137, കണ്ണൂര്‍ 121, മലപ്പുറം 113, വയനാട് 101, പാലക്കാട് 96, കാസര്‍ഗോഡ് 24 എന്നിങ്ങനെയാണ് ജില്ലകളിലെ രോഗബാധാ നിരക്ക്.

Related Articles

Latest Articles