ദില്ലി: രാജ്യത്ത് കഴിഞ്ഞ 24 മണിക്കൂറിനിടെ 8488 കൊവിഡ് (Covid) കേസുകളും 249 മരണങ്ങളും രേഖപ്പെടുത്തി. രാജ്യത്തെ മൊത്തം കൊവിഡ്-19 കേസുകളുടെ എണ്ണം 3,45,18,901 ആയി. കഴിഞ്ഞ 24 മണിക്കൂറിനുള്ളിൽ രാജ്യത്ത് 249 പുതിയ മരണങ്ങൾ രേഖപ്പെടുത്തി, പാൻഡെമിക്കിന്റെ തുടക്കം മുതൽ മൊത്തം മരണങ്ങൾ 4,65,911 ആയി.
ഇന്ത്യയിലെ സജീവ കേസുകളുടെ എണ്ണം 1,18,443 ആണ്, ഇത് 534 ദിവസങ്ങളിലെ ഏറ്റവും താഴ്ന്ന നിരക്കാണ്, രാജ്യത്ത് മൊത്തം കേസുകളുടെ ഒരു ശതമാനത്തില് താഴെ മാത്രമാണ് സജീവ കേസുകള് തുടരുന്നത്.രാജ്യവ്യാപകമായി നടത്തുന്ന വാക്സിനേഷന് ഡ്രൈവിന് കീഴില് ഇതുവരെ 116 കോടിയിലധികം കൊവിഡ്-19 വാക്സിന് ഡോസുകള് നല്കിയതായി കേന്ദ്ര ആരോഗ്യ മന്ത്രാലയം അറിയിച്ചു.
അതേസമയം കേരളത്തിൽ ഇന്നലെ 5080 പേര്ക്ക് കൊവിഡ് 19 (covid19) സ്ഥിരീകരിച്ചു. എറണാകുളം 873, കോഴിക്കോട് 740, തിരുവനന്തപുരം 621, തൃശൂര് 521, കണ്ണൂര് 361, കോട്ടയം 343, കൊല്ലം 307, ഇടുക്കി 276, വയനാട് 228, പത്തനംതിട്ട 206, മലപ്പുറം 203, പാലക്കാട് 175, ആലപ്പുഴ 143, കാസര്ഗോഡ് 83 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 53,892 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 39 തദ്ദേശ സ്വയംഭരണ പ്രദേശങ്ങളിലായി 46 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.