കൊച്ചി : ജില്ലയിൽ ചികിത്സയിൽ കഴിയുന്ന കോവിഡ് രോഗിയുടെ ആരോഗ്യ നില അതീവ ഗുരുതരാവസ്ഥയിൽ . എറണാകുളം തോപ്പുംപടി സ്വദേശിയായ 66 കാരന്റെ ആരോഗ്യനിലയാണ് ഗുരുതരാവസ്ഥയിലായിരിക്കുന്നത്. ദീർഘ നാളായി പ്രമേഹരോഗ ചികിത്സയിൽ കഴിഞ്ഞിരുന്ന ഇദ്ദേഹത്തെ ജൂൺ 28 നാണ് കളമശ്ശേരിയിലെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത് . ഐസിയുവില്‍ വെന്റിലേറ്ററിന്റെ സഹായത്തോടെയാണ് ഇദ്ദേഹം ഇപ്പോൾ കഴിയുന്നത്.
കോവിഡ് ബാധിതനാണെന്നും ശ്വാസകോശത്തില്‍ രോഗത്തെ തുടര്‍ന്ന് ന്യൂമോണിയ സാരമായി ബാധിച്ചെന്നും കണ്ടെത്തിയതിന് പിന്നാലെയാണ് ഇദ്ദേഹത്തെ ചികിത്സയില്‍ പ്രവേശിപ്പിച്ചത്.രോഗം മൂര്‍ച്ഛിച്ച്‌ വൃക്കയടക്കമുള്ള പ്രവര്‍ത്തനത്തെ സാരമായി ബാധിച്ചുവെന്ന് ആശുപത്രി അധികൃതർ അറിയിച്ചു.
