തിരുവനന്തപുരം: സ്കൂളുകളിലെ കോവിഡ് വ്യാപനം തടയാന് കര്ശന നിര്ദേശവുമായി വിദ്യാഭ്യാസവകുപ്പ്. മലപ്പുറത്ത് രണ്ട് സ്കൂളുകളിലായി 262 പേര്ക്ക് കൊവിഡ് ബാധിച്ച സാഹചര്യത്തിലാണ് വിദ്യാഭ്യാസ വകുപ്പ് സ്കൂളുകള്ക്ക് കര്ശനനിര്ദ്ദേശം നല്കിയത്.
ഡിഇഒമാരും റീജണല് ഡപ്യൂട്ടി ഡയറക്ടര്മാരും സ്കൂളുകളില് പരിശോധന നടത്തണം. സ്കൂളുകളോടു ചേര്ന്ന ബസ് കാത്തിരിപ്പ് കേന്ദ്രങ്ങളില് അധ്യാപകര് നിരീക്ഷണം നടത്തണമെന്നും വിദ്യാര്ഥികള്ക്കിടയില് ബോധവല്കരണം ഊര്ജിതമാക്കുമെന്നും പൊതുവിദ്യാഭ്യാസ ഡയറക്ടര് അറിയിച്ചു. വിദ്യാര്ത്ഥികള് തമ്മിലുള്ള സാമൂഹിക അകലം ഉറപ്പാക്കാന് ഹെഡ്മാസ്റ്റര്മാര്ക്ക് നിര്ദേശം നല്കി. ഹെഡ്മാസ്റ്റര്മാര് ദിവസേന സ്കൂളിലെ സ്ഥിതി സംബന്ധിച്ച് ഡിഡിഇക്ക് റിപ്പോർട്ട് നല്കണമെന്നും നിര്ദേശം.