ദില്ലി: രാജ്യത്ത് 24 മണിക്കൂറിനിടെ 20,799 പേര്ക്ക് കൂടി കോവിഡ് സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച് 9 ശതമാനം കുറവാണിത്. 26,718 പേര് രോഗമുക്തരായതായി കേന്ദ്ര ആരോഗ്യമന്ത്രാലയം അറിയിച്ചു. കോവിഡ് മൂലം 180 മരണങ്ങളാണ് പുതുതായി റിപ്പോര്ട്ട് ചെയ്തത്.
അതെ സമയം രാജ്യത്ത് ആകെ കോവിഡ് മരണങ്ങള് 4,48,997 പിന്നിട്ടു. 2.64 ലക്ഷം പേര് ഇപ്പോഴും കോവിഡ് ബാധിച്ച് ചികിത്സയിലുണ്ട്. പ്രതിദിന ടെസ്റ്റ് പോസിറ്റിവിറ്റി നിരക്ക് 2.10 ശതമാനമാണ്. രോഗമുക്തി നിരക്ക് 97.89 ശതമാനമായി ഉയർന്നു. രാജ്യത്തെ ആകെ കോവിഡ് വാക്സിന് സ്വീകരിച്ചവരുടെ എണ്ണം 90കോടി 79 ലക്ഷം കവിഞ്ഞു.
അതെ സമയം ഏറ്റവും അധികം കോവിഡ് കേസുകള് റിപ്പോര്ട്ട് ചെയ്യുന്ന സംസ്ഥാനം കേരളമാണ്. 12,297 പേര്ക്കാണ് ഞായറാഴ്ച കേരളത്തില് രോഗം സ്ഥിരീകരിച്ചത്. 74 മരണങ്ങളും റിപ്പോര്ട്ട് ചെയ്തു.