സര്‍ക്കാര്‍ ഓണക്കിറ്റില്‍ തൃശൂര്‍ ജില്ലയില്‍ വിതരണം ചെയ്യുന്ന ഏലക്ക ഗുണമേന്മ ഇല്ലാത്തതാണെന്ന് പരിശോധന റിപ്പോര്‍ട്ട്. സിവില്‍ സപ്ലൈസ് കോര്‍പറേഷന്‍റെ കൗണ്‍സില്‍ ഫോര്‍ ഫുഡ് റിസര്‍ച്ച്‌ ആന്‍ഡ് ഡെവലപ്മെന്‍റില്‍ (സി.എഫ്.ആര്‍.ഡി) നടത്തിയ പരിശോധനയിലാണ് വിതരണക്കാരന്‍ നല്‍കിയത് ഗുണമേന്മ ഇല്ലാത്ത ഏലക്ക ആണെന്ന് കണ്ടെത്തിയത്.
സി.എഫ്.ആര്‍.ഡി-എച്ച്‌-21-ആര്‍. 0036 നമ്പര്‍ റിപ്പോര്‍ട്ട് പ്രകാരം ജില്ലയില്‍ നിന്ന് എടുത്ത സാമ്പിള്‍ പരിശോധനയിലാണ് ഗുണനിലവാരം ഇല്ലാത്തതെന്ന് കണ്ടത്തിയത്. കഴിഞ്ഞ ഒമ്പതിനാണ് പരിശോധന റിപ്പോര്‍ട്ട് പുറത്തുവന്നത്. പത്തിനാണ് ഇത് സംബന്ധിച്ച്‌ ഗുണനിലവാര പരിശോധകന്‍ ഡിപ്പോകളിലെ നോണ്‍ മാവേലി സ്റ്റോക്ക് കസ്റ്റോഡിയന്‍മാര്‍ക്ക് കത്ത് നല്‍കിയത്. എന്നാല്‍ ഇത് സംബന്ധിച്ച്‌ തുടര്‍ നടപടികള്‍ ഉണ്ടായില്ല.
