ചിറ്റൂര്‍: സ്പിരിറ്റ് കേസില്‍ ഒളിവില്‍ പോയ മുന്‍ സിപിഎം ബ്രാഞ്ച് സെക്രട്ടറി പിടിയില്‍. അത്തിമണി അനില്‍ ആണ് ചിറ്റൂരില്‍ നിന്നും അറസ്റ്റിലായത്. ഇയാള്‍ മൂന്നു ദിവസമായി ഒളിവിലായിരുന്നു. ചിറ്റൂരിലെ റേഞ്ച് എക്‌സൈസ് സംഘമാണ് പിടികൂടിയത്.
മൂന്നു ദിവസം മുമ്പ് തത്തമംഗലത്ത് വച്ച്‌ സ്പിരിറ്റ് പിടികൂടിയ കേസിലെ രണ്ടാം പ്രതിയാണ് അനില്‍. കാറില്‍ സ്പിരിറ്റ് കടത്താന്‍ ശ്രമിക്കവെയാണ് എക്‌സൈസ് സംഘം പ്രതികളെ പിടികൂടിയത്. എന്നാല്‍ ഇയാള്‍ ഓടി രക്ഷപ്പെടുകയായിരുന്നു.
അതേസമയം താന്‍ നിരപരാധിയാണെന്നും ജനതാദള്‍ പ്രവര്‍ത്തകരുടെ ഗൂഡാലോചനയാണ് ഇതിനു പിന്നിലെന്നും അനില്‍ പറഞ്ഞിരുന്നു. തന്നെ ഒരുപാട് കള്ളക്കേസില്‍ കുടുക്കാനുള്ള ശ്രമങ്ങള്‍ നടന്നിട്ടുണ്ടെന്നും അനില്‍ പറയുന്നു. എന്നാല്‍ സിപിഎം നേതാക്കളുടെ സമ്മര്‍ദ്ദത്തിനു വഴങ്ങിയാണ് അനില്‍ ഇപ്പോള്‍ കീഴടങ്ങിയതെന്നാണ് സൂചന.
