കോഴിക്കോട്: കക്കയം ഡാമിലെ (Dam) പെൻസ്റ്റോക്ക് പൈപ്പിന്റെ റോക്കർ പൈപ്പിൽ നേരിയ വിള്ളൽ. പെന്‍സ്‌റ്റോക്ക് പൈപ്പില്‍ ഘടിപ്പിച്ചിട്ടുള്ള രണ്ട് റോക്കര്‍ പൈപ്പിലാണ് വിള്ളല്‍ കണ്ടെത്തിയത്. തകരാര്‍ പരിഹരിക്കാന്‍ ശ്രമം തുടങ്ങിയതായി കെ എസ് ഇ ബി അറിയിച്ചു.
വിള്ളൽ മൂലം പ്രവൃത്തികൾ മുടങ്ങിയിട്ടില്ലെന്ന് അധികൃതർ അറിയിച്ചു. എന്നാൽ അടുത്ത മഴക്കാലത്തിന് മുമ്പ് പൈപ്പ് മാറ്റിയാൽ മാത്രമേ പ്രശ്‌നത്തിന് ശാശ്വത പരിഹാരമുണ്ടാകൂവെന്നാണ് അധികൃതർ പറയുന്നത്. കക്കയം ഡാമിൽ നിന്നും കുറ്റ്യാടി പവർഹൗസിലേയ്‌ക്ക് വെള്ളം എത്തുന്ന പെൻസ്റ്റോക്കിലാണ് ചോർച്ച കണ്ടെത്തിയത്. പെൻസ്റ്റോക്കിന്റെ രണ്ട് ബ്ലോക്കുകൾ കൂടിച്ചേരുന്ന സ്ഥലത്താണ് ചോർച്ച കണ്ടെത്തിയത്. പെൻസ്റ്റോക്ക് കൂടിച്ചേരുന്ന ഭാഗത്തുള്ള നട്ടും ബോൾട്ടും തുരുമ്പെടുത്ത നിലയിലാണ്.
