ദില്ലി: ഡല്‍ഹി പോലീസ് ഹെഡ് കോണ്‍സ്റ്റബിള്‍ രത്തന്‍ ലാല്‍ ഉള്‍പ്പെട്ട പോലീസുകാരെ മൃഗീയമായി ആക്രമിക്കുന്നതിന്റെ വീഡിയോ ദൃശ്യങ്ങള്‍ പുറത്തുവിട്ട് ഡല്‍ഹി പോലീസ്. വടക്കു കിഴക്കന്‍ ഡല്‍ഹിയില്‍ ഉണ്ടായ കലാപത്തില്‍, അക്രമികള്‍ ഡല്‍ഹി പോലീസ് ഉദ്യോഗസ്ഥരെ കൂട്ടമായി ആക്രമിക്കുന്ന ദൃശ്യങ്ങളാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്. ആക്രമിക്കപ്പെടുന്ന പോലീസുകാരുടെ കൂട്ടത്തിലായിരുന്നു കൊല്ലപ്പെട്ട ഹെഡ് കോണ്‍സ്റ്റബിള്‍ രത്തന്‍ലാലും.
മാരകമായി പരിക്കേറ്റ ഡിസിപി അമിത് ശര്‍മയ്ക്കും എസിപി ഗോകുല്‍പുരി അനൂജിനും ഈ ആക്രമണത്തില്‍ സാരമായി പരിക്കേറ്റിട്ടുണ്ട്. ഇതേ ആള്‍ക്കൂട്ടം തന്നെയാണ് ഇന്റലിജന്‍സ് ബ്യൂറോ ഉദ്യോഗസ്ഥനായ അങ്കിത് ശര്‍മയെയും മറ്റു ചിലരെയും മാരകമായി ആക്രമിച്ചതെന്നും പിടിച്ചുകൊണ്ടു പോയതും എന്നാണ് കരുതപ്പെടുന്നത്.
ക്രൂരമായി കൊലപ്പെടുത്തിയ രീതിയില്‍ അങ്കിത് ശര്‍മയുടെ മൃതദേഹം ദിവസങ്ങള്‍ക്കു ശേഷം കണ്ടെടുത്തിരുന്നു.ഹെഡ് കോണ്‍സ്റ്റബിള്‍ രത്തന്‍ ലാല്‍ കൊല്ലപ്പെടുന്ന വീഡിയോ ബിജെപി നേതാവായ കപില്‍ മിശ്രയും ട്വീറ്റ് ചെയ്തിട്ടുണ്ട്.
