ദില്ലി: ഭീകരത അടിസ്ഥാനമാക്കിയുള്ള പടുത്തുയര്ത്തുന്ന ഒരു സാമ്രാജ്യവും അധികകാലം നിലനില്ക്കില്ലെന്ന് പ്രധാനമന്ത്രി നരേന്ദ്ര മോദി. ജനങ്ങളുടെ വിശ്വാസത്തെ തകര്ക്കാന് ഭീകരതയ്ക്ക് സാധിക്കില്ലെന്നും അദ്ദേഹം പറഞ്ഞു. പ്രധാനമന്ത്രിയുടെ ഓഫീസിന്റെ ഔദ്യോഗിക ട്വിറ്റര് ഹാന്ഡില് വഴിയാണ് പ്രതികരണം. താലിബാന്റെ പേരെടുത്ത് പറയാതെയാണ് പ്രധാനമന്ത്രിയുടെ പരാമര്ശം.
താലിബാൻ അഫ്ഗാനിസ്ഥാൻ പിടിച്ചടക്കിയതിന്റെ കൂടി പശ്ചാത്തലത്തിലാണ് പ്രധാനമന്ത്രിയുടെ പ്രസ്താവന. ഇതാദ്യമായാണ് താലിബാന് വിഷയത്തില് പ്രധാനമന്ത്രി നരേന്ദ്ര മോദി പ്രതികരിക്കുന്നത്. ”ഭീകരത അടിസ്ഥാനമാക്കി കെട്ടിയുയര്ത്തുന്ന ഒരു സാമ്രാജ്യം കുറച്ച് കാലത്തേക്ക് നിലനിന്നേക്കാം. എന്നാല് അതിന്റെ നിലനില്പ്പ് സ്ഥിരമായിരിക്കില്ല. ദീര്ഘകാലത്തേക്ക് മനുഷ്യത്വത്തെ അടിച്ചമര്ത്താനാകില്ല” അദ്ദേഹം ട്വീറ്റ് ചെയ്തു.
അതേസമയം അഫ്ഗാനിസ്ഥാനിലെ സംഭവവികാസങ്ങള് ആഗോളതലത്തില് ആശങ്ക ഉണ്ടാക്കുന്നതാണെന്ന് കേന്ദ്ര വിദേശകാര്യമന്ത്രി എസ് ജയ്ശങ്കര് വ്യക്തമാക്കി. ഭീകരര്ക്ക് താവളമൊരുക്കുന്ന രാജ്യങ്ങള്ക്കെതിരേ നടപടി വേണമെന്നും യുഎന് രക്ഷാസമിതി സംഘചിപ്പിച്ച ചര്ച്ചയില് സംസാരിക്കവെ ജയ്ശങ്കര് ആവശ്യപ്പെട്ടു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
