ദില്ലി :കോൺഗ്രസ് അധ്യക്ഷ തിരഞ്ഞെടുപ്പിൽ ദിഗ് വിജയ് സിംഗ് പിൻമാറി. പ്രസിഡന്റ് സ്ഥാനത്തേക്ക് ഇനി തരൂർ-ഖാർഗെ പോരാട്ടം.
കോൺഗ്രസ് അധ്യക്ഷ സ്ഥാനത്തേക്കുള്ള മത്സരത്തിൽ നിന്ന് ദിഗ് വിജയ് സിംഗ് പിൻമാറിയപ്പോൾ മല്ലികാർജുന ഖാർഗെ നാമനിർദേശ പത്രിക നൽകി. ഇതോടെ അധ്യക്ഷ സ്ഥാനത്തേക്കുള്ള പോരാട്ടം ഖാർഗെയും ശശി തരൂരും തമ്മിലാകും. മനീഷ് തിവാരിയും മത്സരിക്കാനില്ലെന്ന് വ്യക്തമാക്കി. ജി23 സംഘത്തിൽ നിന്ന് അവസാന നിമിഷം ആരും പത്രിക നൽകിയില്ലെങ്കിൽ ഖാർഗെയോ തരൂരോ പ്രസിഡന്റ് ആകുമെന്ന് ഉറപ്പായി.
രാജസ്ഥാൻ മുഖ്യമന്ത്രി ആയിരുന്ന അശോക് ഗെഹ്ലോട്ടിനെ ആണ് ഹൈക്കമാൻഡ് ഔദ്യോഗിക സ്ഥാനാർഥിയായി ആദ്യം കണ്ടുവെച്ചിരുന്നത്. എന്നാൽ മുഖ്യമന്ത്രി കസേരയിൽ നിന്നിറങ്ങാൻ ഗെഹ്ലോട്ട് മടി കാണിച്ചതോടെ ദിഗ് വിജയ് സിംഗിലേക്ക് ഹൈക്കമാൻഡ് തിരിഞ്ഞു. നാമനിർദേശ പത്രിക ദിഗ് വിജയ് സിംഗ് കൈപ്പറ്റുകയും ചെയ്തിരുന്നു.
