ന്യൂഡല്‍ഹി: ഇന്ത്യയിലെ കോവിഡ് -19 കേസുകളുടെ എണ്ണം ഒരു ദിവസം കൊണ്ട് 3,947 വർദ്ധിച്ചു. കേരളത്തിലെ ഒമ്പത് മരണങ്ങൾ ഉൾപ്പെടെ 18 പേർ കൂടി മരിച്ചതോടെ മരണസംഖ്യ 5,28,629 ആയി ഉയർന്നു.
മൊത്തം അണുബാധയുടെ 0.09 ശതമാനമാണ് സജീവ കേസുകൾ. അതേസമയം ദേശീയ കോവിഡ് -19 രോഗമുക്തി നിരക്ക് 98.73 ശതമാനമായി ഉയർന്നതായി ആരോഗ്യ മന്ത്രാലയം അറിയിച്ചു. പ്രതിദിന പോസിറ്റിവിറ്റി നിരക്ക് 1.23 ശതമാനവും പ്രതിവാര പോസിറ്റിവിറ്റി നിരക്ക് 1.44 ശതമാനവുമാണ്. സജീവ കോവിഡ് കേസുകൾ ഒരു ദിവസം കൊണ്ട് 1,167 ആയി കുറഞ്ഞപ്പോൾ രോഗമുക്തി നേടിയവരുടെ എണ്ണം 4,40,19,095 ആയി ഉയർന്നു. മരണനിരക്ക് 1.19 ശതമാനമാണ്.
ദേശീയ വാക്സിനേഷൻ ഡ്രൈവിന് കീഴിൽ ഇതുവരെ ആകെ 218.52 കോടി വാക്സിൻ ഡോസുകൾ (94.84 കോടി രണ്ടാം ഡോസും 21.19 കോടി പ്രതിരോധ ഡോസുകളും) നൽകിയതായി മന്ത്രാലയം അറിയിച്ചു.
