ഹൃദയാഘാതം ബാധിച്ച രോഗിയെ ചികിൽസിക്കുന്നതിനിടയിൽ ഡോക്ടർക്ക് ഹൃദയസ്തംഭനം; ഇരുവരും മരണത്തിന് കീഴടങ്ങി

ഹൃദയാഘാതം ബാധിച്ച രോഗിയെ ചികിൽസിക്കുന്നതിനിടയിൽ ഡോക്ടർക്ക് ഹൃദയസ്തംഭനം. തുടർന്ന് ഇരുവരും മരണത്തിന് കീഴടങ്ങി. തെലങ്കാനയിലെ കാമറെഡ്ഡി ജില്ലയിൽ ഗാന്ധാരി മണ്ഡലിലെ നഴ്‌സിംഗ് ഹോമിൽ വച്ചാണ് ഹൃദയാഘാതം ബാധിച്ച രോഗിയെ ചികിൽസിക്കുന്നതിനിടയിൽ ഡോക്ടർക്ക് ഹൃദയസ്തംഭനം സംഭവിച്ചത്. ആശുപത്രിയിൽ വച്ചു തന്നെ ഇരുവരും മരിച്ചു. സംഭവത്തിന് പിന്നാലെ ഹൃദയഭേദകമായ വാർത്തകളാണ് ആശുപത്രിയിൽ നിന്ന് റിപ്പോർട്ട് ചെയ്തത്.

60 കാരനായ കേതാവത്ത് ജഗയ്യ നായിക്കിനെ ഞായറാഴ്ച രാവിലെയാണ് ഹൃദയാഘാതത്തെ തുടർന്ന് ആശുപത്രിയിൽ എത്തിച്ചത്. തുടർന്ന് ഡോക്ടർ ലക്ഷ്മണും മറ്റ് ജീവനക്കാരും ചേർന്ന് ഐസിയുവിലേയ്ക്ക് മാറ്റി. പെട്ടെന്ന് ഡോക്ടർ ലക്ഷ്മൺ കുഴഞ്ഞുവീണു. സഹപ്രവർത്തകർ രക്ഷിക്കാൻ ശ്രമിച്ചെങ്കിലും മരണം സംഭവിച്ചു. നായിക്കിന്റെ നില വഷളായതിനെ തുടർന്ന് വീട്ടുകാർ അദ്ദേഹത്തെ മറ്റൊരു ആശുപത്രിയിലേക്ക് മാറ്റി, എന്നാൽ അദ്ദേഹം മരിയ്ക്കുകയായിരുന്നു.

പ്രശസ്തനായ ഡോക്ടറായിരുന്നു ലക്ഷ്മൺ, അദ്ദേഹത്തിന്റെ പെട്ടെന്നുള്ള മരണം നാട്ടുകാരെ ഞെട്ടിച്ചു. മഹബൂബാദ് ജില്ല സ്വദേശിയായ അദ്ദേഹം നിസാമാബാദ് മെഡിക്കൽ കോളേജിൽ അസിസ്റ്റന്റ് പ്രൊഫസറായും ജോലി ചെയ്തു വരികയായിരുന്നു.