ഗാർഹീക പീഡനം; കണ്ണൂരിൽ യുവതി ഭർതൃഗൃഹത്തിൽ ജീവനൊടുക്കി

കണ്ണൂർ: സംസ്ഥാനത്ത് ഗാർഹീക പീഡനത്തിൽ മനംനൊന്ത് വീണ്ടും ആത്മഹത്യ. കണ്ണൂരിലാണ് സംഭവം. പയ്യന്നൂർ കോറോം സ്വദേശി സുനീഷ (26)യെയാണ് ഭർത്താവിൻ്റെ വീട്ടിൽ തൂങ്ങി മരിച്ച നിലയിൽ കണ്ടെത്തിയത്. ഗാർഹിക പീഡനത്തെ സംബന്ധിച്ച് സുനീഷ ഒരാഴ്ച മുമ്പ് പയ്യന്നൂർ പോലീസിൽ പരാതി നൽകിയിരുന്നു. എന്നാൽ പയ്യന്നൂർ പോലീസ് കേസെടുക്കാതെ ഇരു കുടുംബക്കാരെയും വിളിച്ച് ഒത്തുതീർപ്പാക്കി വിടുകയായിരുന്നു. ഒന്നരവർഷം മുമ്പായിരുന്നു സുനീഷയുടേയും വിജീഷിന്റേയും വിവാഹം നടന്നത്.

കുളിമുറിയിലെ വെന്റിലേറ്ററില്‍ ചുരിദാര്‍ ഷാളിലാണ് യുവതി തൂങ്ങിയത്. എന്നാൽ ആത്മഹത്യ ചെയ്യുന്നതിന് തൊട്ടുമുമ്പ് യുവതി, ഭര്‍ത്താവിന് വീഡിയോ കോള്‍ ചെയ്തിരുന്നതായി പറയുന്നു. വെള്ളൂര്‍ ചേനോത്തെ വിജീഷിന്റെ ഭാര്യയാണ് സുനീഷ. പ്രണയ വിവാഹമായിരുന്നു ഇരുവരുടെയും.

അതേസമയം ഭർത്താവ് വിജീഷിൽ നിന്നും നിരന്തരം മർദനം നേരിട്ടു എന്ന് വ്യക്തമാകുന്ന ഒരു ശബ്ദരേഖ പുറത്ത് വന്നിട്ടുണ്ട്. ഭർത്താവിൻ്റെ മാതാപിതാക്കൾ മർദ്ദിക്കാറുണ്ടായിരുന്നു എന്നും സുനീഷ ശബ്ദരേഖയിൽ പറയുന്നുണ്ട്. തന്നെ കൂട്ടിക്കൊണ്ടു പോയില്ലെങ്കിൽ ജീവനോടെ ഉണ്ടാകില്ലെന്ന് യുവതി അനുജനോട് പറയുന്നതും ശബ്ദരേഖയിൽ ഉണ്ട്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona