കൊല്ലം: കൊല്ലത്ത് ഭിന്നശേഷിക്കാരനെ ക്രൂരമായി മർദിച്ചു. ഭിന്നശേഷിക്കാരനായ പെട്രോള് പമ്പുജീവനക്കാരനായ കൊട്ടിയം സ്വദേശി സിദ്ദിഖിനാണ് മര്ദനമേറ്റത്. കൈയ്ക്കും കാലിനും സ്വാധീനം കുറവുള്ള വ്യക്തിയാണ് സിദ്ദിഖ്. പമ്പില് പെട്രോള് അടിക്കാനെത്തിയ യുവാവ് സിദ്ദിഖ് തന്നെ ബഹുമാനിച്ചില്ലെന്ന് ആരോപിച്ചായിരുന്നു മര്ദിച്ചത്. പെട്രോള് അടിക്കാനെത്തിയപ്പോള് പെട്രോള് ടാങ്കിന്റെ അടപ്പ് അതിനോട് ചേര്ന്ന് തന്നെയാണ് വച്ചിരുന്നത്. അത് കൈകൊണ്ട് എടുത്തുമാറ്റിയില്ലെന്ന് പറഞ്ഞാണ് പെട്രോള് അടിക്കാനെത്തിയ ആള് പ്രകോപിതനായത്.
തുടര്ന്ന് ഇയാള് പെട്രോളിന്റെ പൈസ സമീപമുണ്ടായിരുന്ന കസേരയിലേക്ക് എറിഞ്ഞു കൊടുത്തു. പൈസ ഇങ്ങനെ എറിയാമോ? എന്ന് ചോദിച്ചതോടെ ക്ഷുഭിതനായ ഇയാള് പമ്പിലെ മാനേജരെ പോയി കണ്ട് സിദ്ദിഖിനെതിരേ പരാതി നല്കി. പിന്നീട് തിരികെയെത്തി ഫോണ് നമ്പറും അഡ്രസ്സും ചോദിച്ചു. അത് നല്കാന് വിസമ്മതിച്ചതോടെ വീണ്ടും മാനേജരെ കണ്ട് പരാതി പറയുകയും തിരികെയെത്തി സിദ്ദിഖിനെ മര്ദിക്കുകയുമായിരുന്നു. ഏഴുതവണ തന്നെ അടിച്ചതായാണ് സിദ്ദിഖ് പറയുന്നത്.
സിദ്ദിഖിനെ മര്ദിക്കുന്ന വീഡിയോ പുറത്തുവന്നിട്ടുണ്ട്. ഇയാള് മര്ദിക്കുമ്പോള് സിദ്ദിഖ് മറിഞ്ഞുവീഴുന്നതും, ചുറ്റുമുളളവര് പിടിച്ചുമാറ്റാന് പോലും തയ്യാറാകാതെ നോക്കി നില്ക്കുന്നതും വീഡിയോയില് കാണാം. വീഡിയോ പ്രചരിച്ചതോടെയാണ് സമീപത്തെ ചെറുപ്പക്കാര് വിവരമറിയുന്നതും സിദ്ദഖിനെ കൂട്ടി പോലീസ് സ്റ്റേഷനിലെത്തി പരാതി നല്കുന്നതും. അടിച്ച വ്യക്തിയെ തിരിച്ചറിഞ്ഞിട്ടുണ്ടെന്നും ഇയാളെ ഇന്നുതന്നെ പോലീസ് അറസ്റ്റ് ചെയ്യുമെന്നാണ് കരുതുന്നതെന്നും സിദ്ദിഖിന് വേണ്ടി പരാതി നല്കിയ സുഹൃത്തുക്കള് അറിയിച്ചു.
ഇയാളെ മർദിച്ചപ്പോൾ നാട്ടുകാരുൾപ്പെടെ നോക്കിനിൽക്കുകയാണ് ചെയ്തത്. സിദ്ദിഖിനെ മര്ദിക്കുന്ന വീഡിയോ പുറത്തുവന്നിട്ടുണ്ട്. അതേസമയം സിദ്ദിഖിനെ ഇയാള് മര്ദിക്കുമ്പോള് സിദ്ദിഖ് മറിഞ്ഞുവീഴുന്നതും, ചുറ്റുമുളളവര് പിടിച്ചുമാറ്റാന് പോലും തയ്യാറാകാതെ നോക്കി നില്ക്കുന്നതും വീഡിയോയില് കാണാം. വീഡിയോ പ്രചരിച്ചതോടെയാണ് സമീപത്തെ ചെറുപ്പക്കാര് വിവരമറിയുന്നതും സിദ്ദിഖിനെ കൂട്ടി പോലീസ് സ്റ്റേഷനിലെത്തി പരാതി നല്കിയതും.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona