തുറവൂർ: മാരക ലഹരിമരുന്നായ എംഡിഎംഎയുമായി യുവതിയടക്കം മൂന്നുപേർ പിടിയിൽ.മംഗലാപുരം സ്വദേശികളായ മുഹമ്മദ് അഫ്രീദി സാഗ് (18), മുഹമ്മദ് തുഫയിൽ അർഷാദ് (20), ഹരിപ്പാട് തൃക്കുന്നപ്പുഴ സ്വദേശിനി അനീജ സവാദ് (19) എന്നിവരെയാണ് എക്സൈസ് പിടികൂടിയത്. 5. 530 ഗ്രാം എംഡിഎംഎയാണ് ഇവരിൽ നിന്നും പിടിച്ചെടുത്തത്.
കുത്തിയതോട് റേഞ്ച് എക്സൈസ് ഇൻസ്പെക്ടർ സി.എസ്.സുനിൽ കുമാറിന്റെ നേതൃത്വത്തിൽ ആണ് ഇവരെ പിടികൂടിയത്. രഹസ്യ വിവരം ലഭിച്ചതിന്റെ അടിസ്ഥാനത്തിൽ കഴിഞ്ഞദിവസം പുലർച്ചെ ദേശീയപാതയിൽ ചമ്മനാട് നടത്തിയ പരിശോധനയ്ക്കിടെയാണ് ഇവർ കുടുങ്ങിയത്. ബംഗളൂരുവിൽ നിന്ന് വരികയായിരുന്ന ബസിൽ നിന്നാണ് മൂവരും പിടിക്കപ്പെട്ടത്.കോടതിയിൽ ഹാജരാക്കിയ പ്രതികളെ റിമാൻഡ്
ചെയ്തു.