ദില്ലി : കിഴക്കൻ ജമ്മു കശ്മീരിൽ ഭൂചലനം. ഇന്നുച്ചയ്ക്ക് ഒന്നരമണിക്ക് ശേഷമാണ് 5.4 തീവ്രത രേഖപ്പെടുത്തിയ ഭൂചലനമുണ്ടായത്. പിന്നാലെ ദില്ലി, ഹിമാചൽ പ്രദേശ്, പഞ്ചാബ്, ചണ്ഡിഗഡ് അടങ്ങുന്ന ഉത്തരേന്ത്യയുടെ ചില ഭാഗങ്ങളിലും പാകിസ്ഥാനിലെ ലാഹോറിലും പ്രകമ്പനമുണ്ടായി.
ജമ്മു കശ്മിരീലെ ദോഡ ജില്ലയിൽ ഉണ്ടായ ഭൂചലനം ഏതാനും സെക്കൻഡുകൾ നീണ്ടുനിന്നെങ്കിലും നിലവിൽ നാശനഷ്ടങ്ങൾ റിപ്പോർട്ട് ചെയ്തിട്ടില്ല. ഭൂചലനത്തെ തുടർന്ന് ശ്രീനഗറിലെ സ്‌കൂളുകളിലെ കുട്ടികള്‍ ക്ലാസ് മുറികളില്‍നിന്ന് ഇറങ്ങിയോടിയെന്ന് പ്രാദേശിക മാദ്ധ്യമങ്ങൾ റിപ്പോർട്ട് ചെയ്തു. കഴിഞ്ഞ മാസവും ദില്ലിയിൽ ഭൂചലനമുണ്ടായിരുന്നു.
