പ്ലാസ്റ്റിക് മലിനീകരണത്തിന്റെ പ്രശ്‌നം വർദ്ധിച്ചുവരിക മാത്രമല്ല, പരിസ്ഥിതിക്ക് കടുത്ത ആശങ്കയുളവാക്കുന്നതിലേക്കും വളർന്നു. സമുദ്രത്തിലും കരയിലും വസിക്കുന്ന മൃഗങ്ങളുടെ ദുരവസ്ഥ കാണിക്കുന്ന ആയിരക്കണക്കിന് വീഡിയോകളും ചിത്രങ്ങളും ഇന്റർനെറ്റിൽ ലഭ്യമാണ്. ഈ ഗണത്തിലേക്ക് ചേർക്കാൻ കഴിയുന്ന ആനയുടെ ഹൃദയഭേദകമായ വീഡിയോയാണ് ഇപ്പോൾ വൈറലാകുന്നത്. ഈ വീഡിയോ സോഷ്യൽ മീഡിയ ഉപയോക്താക്കൾക്കിടയിൽ നിരവധി പ്രതികരണങ്ങൾക്ക് കാരണമായിട്ടുണ്ട്
ഐഎഫ്എസ് ഓഫീസർ സുശാന്ത നന്ദ ട്വിറ്ററിൽ പങ്കുവച്ച ക്ലിപ്പിൽ , വിശന്നുവലഞ്ഞ ആന തുമ്പിക്കൈ കൊണ്ട് പ്ലാസ്റ്റിക് കഷണം എടുക്കുന്നത് കാണിക്കുന്നു. കുറച്ച് സമയത്തിന് ശേഷം ആന പ്ലാസ്റ്റിക് തിന്നാൻ ശ്രമിക്കുന്നതായും കാണിക്കുന്നു.
“ഇത്രയും ഭീമാകാരമായ ഒരു മൃഗത്തിന് പോലും പ്ലാസ്റ്റിക് അപകടകരമാണ്. ഇതിന് ആലിമെന്ററി കനാൽ തടയാൻ കഴിയും. ഒറ്റത്തവണ ഉപയോഗിക്കുന്ന പ്ലാസ്റ്റിക്കുകൾ സുരക്ഷിതമായി സംസ്കരിക്കുന്നതിൽ എല്ലാവരോടും ഉത്തരവാദിത്തം കാണിക്കണമെന്ന് അഭ്യർത്ഥിക്കുന്നു,” നന്ദ അടിക്കുറിപ്പിൽ എഴുതി.
