ആറ്റിങ്ങൽ ലോക്സഭ മണ്ഡലത്തിലെ എൻഡിഎ സ്ഥാനാർത്ഥിയും കേന്ദ്രമന്ത്രിയുമായ വി. മുരളീധരൻ്റെ സ്ഥാനാർത്ഥി പര്യടനത്തിന് ആവേശകരമായ സ്വീകരണം. കടയ്ക്കാവൂർ, കിളിമാനൂർ മണ്ഡലങ്ങളിലാണ് അദ്ദേഹമിന്ന് പര്യടനം നടത്തിയത്.
കായിക്കരയിലെ കുമാരനാശാന്റെ പൂർണ്ണകായ പ്രതിമയിൽ പുഷ്പാർച്ചന നടത്തിയാണ് വി. മുരളീധരൻ ഇന്നത്തെ പ്രചാരണം ആരംഭിച്ചത്. നെടുങ്ങണ്ട ഒന്നാംപാലത്തിൽ നിന്നും തുടങ്ങിയ കടയ്ക്കാവൂർ മണ്ഡലത്തിലെ പര്യടനം അഞ്ചുതെങ്ങ്, കടയ്ക്കാവൂർ, കിഴുവിലം പഞ്ചായത്തുകളിലൂടെയാണ് കടന്നു പോയത്.കിളിമാനൂർ മണ്ഡലത്തിൽ കിളിമാനൂർ, പഴയകുന്നുമ്മേൽ, പുളിമാത്ത് ഗ്രാമ പഞ്ചായത്തുകളിലും കേന്ദ്രമന്ത്രി പര്യടനം നടത്തി.
മധുരം നൽകിയും ആരതി ഉഴിഞ്ഞും തിലകം ചാർത്തിയും കണിക്കൊന്ന പൂക്കളും താമരപ്പൂക്കളും സമ്മാനിച്ചുമാണ് ജനങ്ങൾ സ്ഥാനാർത്ഥിയെ സ്വീകരിച്ചത്.
