അമരാവതി: പരീക്ഷ ഹാളിൽ സീലിംഗ് ഫാൻ പൊട്ടി വീണ് വിദ്യാര്ത്ഥിനിക്ക് ഗുരുതര പരിക്ക്. പരീക്ഷ എഴുതുന്നതിനിടെ സീലിംഗ് ഫാന് പൊട്ടി വീണ് പത്താം ക്ലാസ് വിദ്യാര്ത്ഥിനിയുടെ മുഖത്താണ് പരിക്കേറ്റത്. കുട്ടിയെ ഉടന് തന്നെ ആശുപത്രിയിലെത്തിച്ച് ചികിത്സ നല്കി.
ശേഷം വിദ്യാര്ഥിനി സ്കൂളില് മടങ്ങിയെത്തി പരീക്ഷയെഴുതി. ആന്ധ്രാപ്രദേശിലെ ശ്രീ സത്യസായി ജില്ലയിലെ ഒരു സ്കൂളില് തിങ്കളാഴ്ചയാണ് സംഭവം നടന്നത്. പരീക്ഷയ്ക്ക് രണ്ട് ദിവസം മുമ്പാണ് സ്കൂളില് അറ്റകുറ്റപ്പണി നടത്തിയതെന്ന് പ്രിന്സിപ്പല് പ്രതികരിച്ചു.
നേരത്തെ ഏപ്രില് 28 ന് കുര്ണൂലിലെ ഗോനെഗണ്ട്ലയിലെ മണ്ഡല് പരിഷത്ത് ഉറുദു സ്കൂളിലും സമാനമായ സംഭവം ഉണ്ടായിരുന്നു. ക്ലാസിനിടെ സീലിംഗിന്റെ ഒരു ഭാഗം വീണുണ്ടായ അപകടത്തില് രണ്ട് വിദ്യാര്ത്ഥികള്ക്കാണ് അന്ന് പരിക്കേറ്റത്.