ഭോപ്പാൽ: മയിലിനെ ക്രൂരമായി ഉപദ്രവിച്ച യുവാവിനെ തേടി പോലീസ്. മയിലിനെ ഉപദ്രവിക്കുന്ന വീഡിയോ സമൂഹമാദ്ധ്യമങ്ങളിൽ പ്രചരിച്ചതോടെയാണ് യുവാവിനെതിയരെ നടപടിയെടുക്കാൻ പോലീസ് തീരുമാനിച്ചത്. മദ്ധ്യപ്രദേശിലെ കട്നിയിലാണ് സംഭവം.
ജീവനോടെ മയിലിന്റെ പീലികൾ പറിച്ചെടുത്താണ് യുവാവ് ഉപദ്രവിക്കുന്നത്. വേദനയിൽ മയിൽ ജീവനായി പുളയുന്നതും വീഡിയോയിൽ കാണാം. ഗുജറാത്ത് എൻജിഒയാണ് വീഡിയോ പ്രചരിപ്പിച്ചത്. സംഭവത്തിന് പിന്നാലെ യുവാവിനെ തേടി പോലീസ് രംഗത്തെത്തി. ഇയാളെ തിരിച്ചറിഞ്ഞിട്ടുണ്ടെന്നും റിതി ടൗൺ സ്വദേശിയാണ് സംഭവത്തിന് പിന്നിലെന്നും പോലീസ് പറഞ്ഞു.
ബൈക്ക് കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. ഇയാൾക്കെതിരെ മൃഗസംരക്ഷണ വകുപ്പിലെ കടുതത് വകുപ്പുകൾ ചുമത്തിയതായി ഫോറസ്റ്റ് അധികൃതർ അറിയിച്ചു. ഇയാളെ ഉടൻ പിടികൂടി നിയമത്തിന്റെ മുന്നിൽ കൊണ്ടുവരുമെന്നും പോലീസ് വ്യക്തമാക്കി.