പാലക്കാട്: വ്യാജ സർട്ടിഫിക്കറ്റ് വിവാദത്തിൽ എസ്.എഫ്.ഐ നേതാവ് കെ. വിദ്യക്കെതിരെ അട്ടപ്പാടി കോളേജ് പ്രിൻസിപ്പൽ പോലീസിൽ പരാതി നൽകി. കഴിഞ്ഞ ദിവസം രാത്രിയോടെയാണ് അഗളി പോലീസിൽ പ്രിൻസിപ്പൽ പരാതി നൽകിയത്. പരാതിയിൽ വിദ്യ വ്യാജ സർട്ടിഫിക്കറ്റുകൾ ഹാജരാക്കിയെന്ന് പറയുന്നു.
ഏറെ അനിശ്ചിതത്വത്തിനൊടുവിലാണ് വിദ്യ വിജയന് എന്ന കെ. വിദ്യ പ്രതിയായ വ്യാജരേഖക്കേസ് അഗളി പോലീസിന് കൈമാറാൻ സിറ്റി പോലീസ് കമീഷണർ തീരുമാനിച്ചത്. സിറ്റി അസി. കമീഷണറുടെ
മേൽനോട്ടത്തിൽ എറണാകുളം സെൻട്രൽ പോലീസ് ഇൻസ്പെക്ടറാണ് കേസ് അന്വേഷിക്കുക.
മഹാരാജാസ് കോളേജിൽ ഗെസ്റ്റ് ലെക്ചററായി ജോലി ചെയ്തുവെന്ന സര്ട്ടിഫിക്കറ്റാണ് അട്ടപ്പാടി കോളേജിലെ ഗെസ്റ്റ് ലെക്ചറർ നിയമനത്തിന് വിദ്യ ഹാജരാക്കിയത്. ഇത് വ്യാജമാണെന്ന് കണ്ടെത്തിയതോടെയാണ് കേസും രാഷ്ടീയ വിവാദവും ഉടലെടുത്തത്.