യുകെ പ്രഥമവനിതയായ അക്ഷതാ മൂര്ത്തിയും പിതാവും ഇന്ഫോസിസ് സ്ഥാപകനുമായ നാരായണ മൂര്ത്തിയും ഐസ്ക്രീം രുചിക്കുന്ന ചിത്രം സാമൂഹികമാദ്ധ്യമങ്ങളിൽ വൈറലാകുന്നു. ബെംഗളൂരുവിലെ ജയാനഗറിലുള്ള പ്രശസ്തമായ ഐസ്ക്രീം ഷോപ്പ് ‘കോര്ണര് ഹൗസി’ലാണ് ഇരുവരും എത്തിയത്.
കാഷ്വല് വസ്ത്രം ധരിച്ച് ലളിതമായിയെത്തിയ ഇരുവരും ഐസ്ക്രീം കപ്പ് പിടിച്ച് ഫോട്ടോയ്ക്ക് പോസ് ചെയ്യുകയായിരുന്നു.
Britain's First Lady Akshata Murty with her Father Shri Narayan Murthy at Corner House in Jayanagar Bangaluru…🙂@RishiSunak pic.twitter.com/5O4IdyuLvK
— Adarsh Hegde (@adarshahgd) February 12, 2024
40 വര്ഷത്തെ പാരമ്പര്യമുള്ള കോര്ണര് ഹൗസ് സെലിബ്രിറ്റികള്ക്കിടയില് പ്രശസ്തമാണ്. 1982-ല് നാരായണ് റാവുവാണ് ഈ കടയ്ക്ക് തുടക്കം കുറിച്ചത്. ദീപിക പദുക്കോണ്, രാഹുല് ദ്രാവിഡ്, മഹേഷ് ഭൂപതി തുടങ്ങിയവരെല്ലാം ഇവിടുത്തെ സ്ഥിരം സന്ദര്ശകരാണ്.
ബ്രിട്ടീഷ് പ്രധാനമന്ത്രിയും കണ്സര്വേറ്റീവ് പാര്ട്ടി നേതാവുമായ ഋഷി സുനാകിന്റെ ഭാര്യയാണ് അക്ഷതാ മൂര്ത്തി. കഴിഞ്ഞ ആഴ്ച എഴുത്തുകാരി ചിത്ര ബാര്ജിയുടെ പുസ്തകം ‘ആന് അണ്കോമണ് ലവ്: ദ ഏര്ലി ലൈഫ് ഓഫ് സുധ ആന്റ് നാരായണ മൂര്ത്തി’യുടെ പ്രകാശന ചടങ്ങിന് മാതാപിതാക്കള്ക്കൊപ്പം അക്ഷതാ മൂര്ത്തി എത്തിയിരുന്നു. ബെംഗളൂരുവിലെ സെന്റ് ജോസഫ്സ് കോളേജ് ഓഫ് കൊമേഴ്സിലായിരുന്നു ചടങ്ങ്. 1970-കളില് സുധാ മൂര്ത്തിയെ കണ്ടുമുട്ടിയ കാലത്തെ കുറിച്ചുള്ള നാരായണ മൂര്ത്തിയുടെ ഓര്മകളാണ് ഈ പുസ്തകത്തിലുള്ളത്.