തൃശൂർ : പെരിങ്ങാവിൽ ഇവന്റ് മാനേജ്മെൻറ് കമ്പനിയുടെ ഗോഡൗണിൽ വൻ തീപിടിത്തം. ആറ് യൂണിറ്റ് ഫയർഫോഴ്സ് സ്ഥലത്ത് എത്തിയിട്ടുണ്ട്. തീ അണയ്ക്കാനുള്ള ശ്രമങ്ങൾ തുടരുകയാണ്. തീ അണയ്ക്കാനുള്ള ശ്രമത്തിൽ ഒരു ഫയർമാൻ കുഴഞ്ഞു വീണു. കുന്നംകുളം ഫയർഫോഴ്സ് യൂണിറ്റിലെ വിപിനാണ് കുഴഞ്ഞു വീണത്. തുടർന്ന് ഇയാളെ ആശുപത്രിയിൽ പ്രവേശിപ്പിച്ചു.
രണ്ട് കോടി രൂപയുടെ സാധനങ്ങൾ ഗോഡൗണിൽ സൂക്ഷിച്ചിരുന്നതായി ഉടമയായ ഷംസുദിൻ പറയുന്നു. സാധനങ്ങൾ പൂർണമായും കത്തി നശിച്ചെന്നും ഇയാൾ പറഞ്ഞു.
