കാശ്മീര്‍: വിവിധ തീവ്രവാദ സംഘടനകളില്‍ പ്രവര്‍ത്തിച്ചിരുന്ന അഞ്ചുപേര്‍ തീവ്രവാദപ്രവര്‍ത്തനം ഉപേക്ഷിച്ച് കുടുംബങ്ങളിലേക്ക് മടങ്ങിയതായി റിപ്പോര്‍ട്ട്. കാശ്മീരിലെ പോലീസ്‌വൃത്തങ്ങളാണ് ഇക്കാര്യം അറിയിച്ചത്. പോലീസിന്റെയും കുഴുംബാംഗങ്ങളുടെയും തീവ്രശ്രത്തിനൊടുവിലാണ് ഇവര്‍ സാധാരണക്കാരായി ജീവിക്കാന്‍ തയ്യാറായത്.
സുരക്ഷാകാരണങ്ങളാല്‍ ഇവരുടെ പേരുകള്‍ പോലീസ് പുറത്തുവിട്ടിട്ടില്ല. 2017 വരെ ഡസന്‍കണക്കിന് തീവ്രവാദികള്‍ ആയുധമുപേക്ഷിച്ചിരുന്നു. കുടുംബാഗങ്ങളോട് ക്ഷമ ചോദിച്ച് മാപ്പുപറഞ്ഞശേഷമാണ് ഇവര്‍ കുടുംബങ്ങളിലേക്ക് മടങ്ങിയെത്തിയത്.
