കേരളത്തിൽ പ്രളയ സാധ്യത വർധിക്കുന്നതിനുള്ള കാരണം തുറന്നുപറഞ്ഞ് പരിസ്ഥിതി ശാസ്ത്രജ്ഞനായ മാധവ് ഗാഡ്ഗില്. അന്തരീക്ഷത്തില് കൂടിവരുന്ന ഐറോസോള് പാര്ട്ടിക്കിള് സാന്നിധ്യവും ജലവിതരണ പദ്ധതികളുടെ കാര്യക്ഷമതയില്ലായ്മയും കേരളത്തില് പ്രളയസാധ്യത വര്ധിപ്പിക്കുന്നുവെന്ന് മാധവ് ഗാഡ്ഗില് വ്യക്തമാക്കി. കോഴിക്കോട് നടക്കുന്ന കേരള സാഹിത്യോത്സവം മൂന്നാം ദിനത്തില് കേരളത്തിലെ പാരിസ്ഥിക പ്രശനങ്ങളെ കുറിച്ച് സംസാരിക്കുകയായിരുന്നു അദ്ദേഹം.
മാധവ് ഗാഡ്ഗില് അധ്യക്ഷനായ സമിതി പശ്ചിമഘട്ടസംരക്ഷണം സംബന്ധിച്ച് റിപ്പോര്ട്ട് കേന്ദ്രസര്ക്കാരിന് സമര്പ്പിച്ചത്. തീര്ത്തും വ്യത്യസ്തമായ വികസന പരിപ്രേക്ഷ്യം മുന്നോട്ട് വച്ച റിപ്പോര്ട്ട് പക്ഷേ നടപ്പാക്കാനാകാതെ പോവുകയായിരുന്നു. ഗാഡ്ഗില്കമ്മിറ്റി റിപ്പോര്ട്ട് നടപ്പിലാക്കിയാല് അത് കേരളത്തിന്റെ വികസന യജ്ഞങ്ങളെ പ്രതികൂലമായി ബാധിക്കുമെന്നായിരുന്നു ഭൂരിഭാഗവും വാദിച്ചത്.
