പാലക്കാട്: ആലത്തൂരിൽ നിന്ന് സഹോദരിമാർ ഉൾപ്പെടെ നാല് വിദ്യാർത്ഥികളെ കാണാതായി. ശ്രേയാ, ശ്രജാ, അർഷാദ് , അഫ്സൽ മുഹമ്മദ് എന്നിവരെയാണ് കാണാതായിരുന്നത്. വിദ്യാർത്ഥികൾക്കായി പോലീസ് തെരച്ചിൽ ഊർജ്ജിതമാക്കിയിരിക്കുകയാണ്
തമിഴ്‌നാട്ടിലെ പൊള്ളാച്ചി, പഴനി തുടങ്ങിയ പ്രദേശങ്ങൾ കേന്ദ്രീകരിച്ചും അന്വേഷണം പുരോഗമിക്കുകയാണ് എന്നാണ് പുറത്ത് വരുന്ന റിപ്പോർട്ട്.
കഴിഞ്ഞ ബുധനാഴ്‌ച്ച വൈകിട്ടോടെയാണ് ആലത്തൂർ സ്വകാര്യ ഹൈസ്‌കൂളിലെ വിദ്യാർത്ഥിനികളായ രണ്ട് സഹോദരിമാരേയും രണ്ട് ആൺ സുഹൃത്തുക്കളേയും കാണാതായത്.
അതേസമയം വിവിധ ഇടങ്ങളിൽ ഇവർക്കെതിരെ തെരച്ചിൽ നടത്തിയെങ്കിലും കണ്ടെത്താനായില്ല ഇതുവരെ . സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്. കെഎസ്ആർടിസി ബസ് സ്റ്റാൻഡ്, പൊള്ളാച്ചി എന്നിവിടങ്ങളിൽ കുട്ടികൾ എത്തിയതായി കണ്ടെത്തി.
കൂടാതെ പൊള്ളാച്ചിയിലെ ലോഡ്ജിൽ ഒരു ദിവസം പൂർണ്ണമായി തങ്ങിയതായും പോലീസ് കണ്ടെത്തിയിട്ടുണ്ട്.
കുട്ടികളെ കണ്ടെത്താൻ ലുക്ക് ഔട്ട് നോട്ടീസ് പോലീസ് പുറത്തിറക്കിയിട്ടുണ്ട്. വിവരങ്ങൾ തമിഴ്‌നാട് പോലീസിനും കൈമാറിയിട്ടുണ്ട്. നാല് പേരുടേയും മൊബൈൽ ഫോണുകൾ സ്വിച്ച് ഓഫാണ്.
ഇനി ആരുടെയെങ്കിലും പ്രേരണ മൂലമാണോ നാല് പേരും കടന്നതെന്നാണ് പോലീസ് അന്വേഷിക്കുന്നത്. കയ്യിൽ പൈസ ഇല്ലാത്തതിനാൽ അധിക ദൂരം പോകാനുള്ള സാധ്യതയില്ലെന്ന വിലയിരുത്തലിലാണ് അന്വേഷണ സംഘം ഇപ്പോൾ എത്തിനിൽക്കുന്നത്.
