നമസ്ക്കാരം, മുഖ്യമന്ത്രിയുടെ പ്രൈവറ്റ് സെക്രട്ടറിയായ കെ കെ രാഗേഷിന്റെ ഭാര്യ പ്രിയാ വർഗീസിനെ കണ്ണൂർ സർവ്വകലാശാലയിൽ നിയമിച്ചത് രാഷ്ട്രീയപിൻബലം ഉപയോഗിച്ചെന്ന് ഗവർണർ ആരിഫ് മുഹമ്മദ് ഖാൻ. അദ്ധ്യാപന നിയമനം ഇല്ലാത്തയാൾക്ക് സർവ്വകലാശാലയിൽ നിയമനം ലഭിച്ചത് രാഷ്ട്രീയ നാടകമാണെന്നും തന്റെ കീഴുദ്യോഗസ്ഥനായ വിസി തന്റെ തീരുമാനത്തിനെതിരെ നീങ്ങുന്നത് അച്ചടക്ക ലംഘനമാണെന്നും അദ്ദേഹം പറഞ്ഞു. കണ്ണൂർ സർവ്വകലാശാലയിൽ നിന്ന് പരാതികൾ അനേകം ലഭിച്ചിട്ടുണ്ടെന്നും അതിനാൽ തന്നെ അതിന്റെ സത്യാവസ്ഥ പരിശോധിക്കേണ്ടത് ഒരു ചാൻസിലർ എന്ന നിലയിൽ തന്റെ ബാധ്യതയാണെന്നും ഗവർണർ ദില്ലി കേരളഹൗസിൽ വച്ച് മാധ്യമങ്ങളോട് പറഞ്ഞു.
മുഖ്യമന്ത്രിയുടെ പ്രൈവറ്റ് സെക്രട്ടറിയുടെ ഭാര്യ എന്ന പരിഗണനയിലാണ് പ്രിയാ വർഗീസിന് നിയമനം സാധ്യമായത്. കണ്ണൂർ സർവ്വകലാശാലയിലെ നിയമനത്തിൽ സംഭവിച്ചത് സ്വജനപക്ഷപാതമാണ് എന്ന് പ്രഥമദൃഷ്ട്യാ വ്യക്തമായിട്ടുണ്ട്. തന്റെ തീരുമാനങ്ങളോട് വിയോജിക്കുന്നവർക്ക് കോടതിയിലേക്ക് നീങ്ങാം. എന്നാൽ ചാൻസലറുടെ തീരുമാനം അനുസരിക്കേണ്ട വൈസ് ചാൻസിലർ അതിനെ ചോദ്യം ചെയ്യുന്നത് നിയമപരമായി ശരിയാണോ എന്നത് പരിശോധിക്കേണ്ടതുണ്ടെന്നും ഗവർണ്ണർ പറഞ്ഞു.
ഇതിനോടകം തന്നെ ഈ വിഷയം സമൂഹമാധ്യമങ്ങളിൽ ചർച്ചയായിരുന്നു. പലരും പ്രിയാ വർഗീസിന്റെ നിയമനത്തെ വിമർശിച്ചു ഫേസ്ബുക്കിൽ പോസ്റ്റും കുറിച്ച്. അങ്ങനെ വൈറലായ ഒരാളുടെ പോസ്റ്റ് നമുക്ക് നോക്കാം… കേരളാ ഇടത് നേതാക്കളുടെ ഭാര്യമാരായി മാറുക എന്നത് ഇവിടുത്തെ നാരീജനങ്ങൾക്ക് അത്ഭുത സിദ്ധി കൈവരിക്കാനുള്ള അസുലഭ നിയോഗമാണ് ….
സഖാക്കളുടെ ഭാര്യ എന്ന പദവിയിൽ എത്തുന്നതിന് മുമ്പെ കേവലം ശരാശരി യോഗ്യതയോ അഭിരുചിയൊ തൊഴിൽ നൈപുണ്യമോ പ്രാവീണ്യമോ മാത്രമാണ് ഉള്ളെങ്കിൽ സഖാഭാര്യ ആയിക്കഴിഞ്ഞാൽ അവർ അതീന്ദ്രിയ ജ്ഞാനത്തിൻ്റെ ഉദാത്ത സൃഷ്ടികളാണ്.
ഖാഖടിയൻമാരായ എത്രയെത്ര പണ്ഡിതൻമാരെ നിഷ്കരുണം പിന്നിലാക്കി അവർ ഉന്നത സ്ഥാനം നേടിയിരിക്കുന്നു …
എത്ര വേഗത്തിൽ ആണ് ആ താലിച്ചരടിൻ്റെ അഥവാ രക്ത ഹാരത്തിൻ്റെ മാസ്മരിക ശക്തിയിൽ അത്യുന്നത വിജയം കരസ്ഥമാക്കുന്നത്!
കേരള യൂണിവേഴ്സിറ്റിയിൽ പികെ ബിജുവിന്റെ ഭാര്യ;
കൊച്ചിൻ യൂണിവേഴ്സിറ്റിയിൽ പി രാജീവിന്റെ ഭാര്യ;
കാലടി യൂണിവേഴ്സിറ്റിയിൽ എംബി രാജേഷിന്റെ ഭാര്യ;
കണ്ണൂർ യൂണിവേഴ്സിറ്റിയിൽ കെകെ രാഗേഷിന്റെ ഭാര്യ;
DYFI ന്യായീകരണ തൊഴിലാളി SK സജീഷിൻ്റെ ഭാര്യ…
AA റഹീമിൻ്റെ സഹോദരി ..
ഷംസീറിൻ്റെ ഭാര്യയുടെ കണ്ണൂർ യൂനിവേഴ്സിറ്റിയിലെ നിയമനം.(high court stopped it )
അറിയപ്പെടാത്ത മറ്റ് അനേകായിരങ്ങൾ വേറെ …
നേതാക്കളുടെ ഭാര്യമാർ ആയിക്കഴിഞ്ഞാൽ പരീക്ഷയിൽ -ഇൻർവ്യൂവിൽ ഒന്നാമതായ് എത്തുന്ന ഈ അത്ഭുതസിദ്ധി കേരളത്തിൽ മാത്രമേ ഫലിക്കുള്ളു.
കേന്ദ്ര പരീക്ഷകൾ, IAS മറ്റ് യു പി എസ് സ്സി പരീക്ഷകൾ അന്യസംസ്ഥാന പരീക്ഷകൾ എന്നിവയിൽ ഈ മാന്ത്രിക ശക്തി ഫലിക്കില്ല..
