ദില്ലി: നടിയെ ആക്രമിച്ച കേസില് നടന് ദിലീപിനെതിരെ ഉടന് കുറ്റം ചുമത്തില്ലെന്ന് സംസ്ഥാന സര്ക്കാര് സുപ്രീംകോടതിയെ അറിയിച്ചു. മുതിര്ന്ന അഭിഭാഷകന് ഹരീഷ് റാവലിന്റെ അസൗകര്യം ചൂണ്ടിക്കാട്ടി കേസ് മാറ്റണമെന്നും സര്ക്കാര് ആവശ്യപ്പെട്ടു.
ഇതോടെ കേസ് പരിഗണിക്കുന്നത് ജസ്റ്റിസ് എ.എം.ഖന്വില്ക്കര് അധ്യക്ഷനായ ബെഞ്ച് അടുത്തമാസം ഒന്നാം തീയതിയിലേക്ക് മാറ്റി. വെളളിയാഴ്ച എറണാകുളത്തെ വിചാരണക്കോടതി പ്രതികള്ക്കെതിരെ കുറ്റം ചുമത്താനിരിക്കുകയാണിത്.
കേസിലെ മുഖ്യതെളിവായ മെമ്മറികാര്ഡിന്റെ പകര്പ്പ് ആവശ്യപ്പെട്ടാണ് ദിലീപ് സുപ്രീംകോടതിയെ സമീപിച്ചത്. പ്രതിയെന്ന നിലയില് പകര്പ്പ് ലഭിക്കാന് അര്ഹതയുണ്ടെന്നാണ് ദിലീപിന്റെ വാദം.