കൊച്ചി: മാധ്യമ പ്രവർത്തകൻ കെ എം. ബഷീർ മരിക്കാനിടയാക്കിയ സംഭവത്തിൽ ഐ എ എസുകാരന് ശ്രീറാം വെങ്കട്ടരാമന്റെ ജാമ്യം ഹൈക്കോടതി ശരിവച്ചു. സർക്കാർ നൽകിയ അപ്പീലിൽ മുഴുവൻ വാദങ്ങളും തള്ളിക്കൊണ്ടാണ് ജസ്റ്റിസ് രാജാ വിജയരാഘവന് ജാമ്യം ശരിവച്ചത്.
കഴിഞ്ഞ ഓഗസ്റ്റ് മൂന്നിന് രാത്രിയിലാണ് മദ്യലഹരിയിൽ ശ്രീറാം ഓടിച്ച കാറിടിച്ച് മാധ്യമപ്രവർത്തകൻ കെ എം. ബഷീർ മരിച്ചത്. തുടർന്ന് അറസ്റ്റിലായ ശ്രീറാമിന് ചൊവ്വാഴ്ച തിരുവനന്തപുരം ജുഡീഷൽ ഫസ്റ്റ് ക്ലാസ് മജിസ്ട്രേട്ട് കോടതി ജാമ്യം നൽകി. ഇതിനെതിരായാണ് സർക്കാർ അപ്പീൽ നൽകിയത്.