ശ്രീനഗർ: ജമ്മു കശ്മീരിൽ ആയുധ ശേഖരവുമായി ഒരു ഭീകരനെ പിടികൂടിയാതായി റിപ്പോർട്ട്. ലഷ്‌കർ ഇ ത്വയ്ബ ഭീകരനായ യാമിൻ യൂസഫ് ഭട്ടാണ് പിടിയിലായത്. കുൽഗാമിലാണ് സംഭവം.
സൈന്യവും പോലീസും സംയുക്തമായി നടത്തിയ പരിശോധനയിലാണ് ഭീകരനെ പിടികൂടിയത്. ചെക്‌പോയിന്റിൽ വാഹന പരിശോധന നടത്തുന്നതിനിടെ യാമിൻ യൂസഫിനെ സംശയാസ്പദമായ സാഹചര്യത്തിൽ കാണപ്പെടുകയായിരുന്നു. ഇതോടെ നടത്തിയ ചോദ്യം ചെയ്യലിലാണ് ഭീകരനാണെന്ന് വ്യക്തമായത്.
തുടർന്ന് ഒരു തോക്ക്, 51 വെടിയുണ്ടകൾ, രണ്ട് ഗ്രനേഡുകൾ എന്നിവയാണ് ഇയാളിൽ നിന്നും പിടിച്ചെടുത്തത്. അതേസമയം കഴിഞ്ഞ ദിവസം കുൽഗാമിൽ നിന്നും ഗ്രാമമുഖ്യനെ കൊലപ്പെടുത്തിയ കേസിലെ പ്രതികളായ അഞ്ച് ഭീകരരെ പിടികൂടിയിരുന്നു. യാമിൻ യൂസഫിനും പിടിയിലായ ഭീകരരുമായി ബന്ധമുണ്ടെന്നാണ് സംശയിക്കുന്നത്. ഇക്കാര്യം സ്ഥിരീകരിക്കാൻ ഇയാളെ കൂടുതൽ ചോദ്യം ചെയ്തുവരികയാണ്.
‘
