തന്റെ മകനാണ് ഫുട്ബോളിനെ കുറിച്ച് എല്ലാക്കാര്യങ്ങളും പഠിപ്പിച്ചതെന്ന് നടി നൈല ഉഷ. ഫുട്ബോൾ കളിയെ പറ്റി തനിക്കൊന്നും അറിയില്ലായിരുന്നുവെന്നും എന്നാൽ ഇപ്പോൾ ബെൽജിയം ടീമിലെ കളിക്കാരുടെയെല്ലാം പേരും തനിക്ക് മനപാഠമാണെന്നും നൈല ഉഷ വെളിപ്പെടുത്തി.
മകനാണ് തന്നെ ഇതെല്ലാം പഠിപ്പിച്ചത്. ഒരു അഭിമുഖത്തിലാണ് നടി തൻ്റെ മനസ് തുറന്നത്. മകൻ്റെ താത്പര്യങ്ങളിൽ തനിക്ക് ഒരു അന്യനാട്ടുകാരിയായി നിൽക്കാൻ താത്പര്യമില്ലെന്നും നടി വ്യക്തമാക്കി. എല്ലാവരെയും സ്നേഹിച്ച് മുന്നോട്ടു പോകണമെന്നാണ് ആഗ്രഹമെന്നും നടി വ്യക്തമാക്കി.
കുഞ്ഞനന്തൻ്റെ കട എന്ന ചിത്രത്തിലൂടെ മലയാള സിനിമയിലേക്കെത്തിയ നടി നൈല ഉഷ ഇപ്പോൾ മലയാള സിനിമയിലെ അവിഭാജ്യ ഘടകമായി മാറിയിരിക്കുകയാണ്. നൈല ഉഷയുടേതായി രണ്ട് ചിത്രങ്ങളാണ് അണിയറയിൽ പുരോഗമിക്കുന്നത്. മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫറിൽ ഒരു പ്രധാന വേഷം കൈകാര്യം ചെയ്തത് നൈല ഉഷ ആയിരുന്നു.
കൂടാതെ ജോഷി കുറച്ചുനാളത്തെ ഇടവേളക്ക് ശേഷം സംവിധാനം ചെയ്യുന്ന പുതിയ ചിത്രത്തിലും നൈല ഉഷ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ആലപ്പാട്ട് മറിയം എന്ന കഥാപാത്രത്തെയാണ് നൈല ഉഷ ഈ ചിത്രത്തിൽ അവതരിപ്പിക്കുന്നത്. ജോജു ജോര്ജ്ജും ചെമ്പൻ വിനോദുമാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്
