കോട്ടയം : ഡിസിസി നേതൃത്വം നൽകുന്ന ബഫർ സോൺ വിരുദ്ധ സമരത്തിൻ്റെ പോസ്റ്ററിൽനിന്ന് ഉമ്മൻ ചാണ്ടിയുടെ ചിത്രം ഒഴിവാക്കി. ഇതോടെ കോട്ടയത്ത് വീണ്ടും ഗ്രൂപ്പ് തർക്കം സജീവമായി. നാളെ കോരുത്തോട് നടക്കുന്ന പരിപാടിയുടെ പോസ്റ്ററിൽനിന്നാണ് ഉമ്മൻ ചാണ്ടിയുടെ ചിത്രം ഒഴിവാക്കിയത്.
എ ഗ്രൂപ്പ് കോട്ടയത്ത്, ശശി തരൂരിന് വേദി ഒരുക്കിയതിൽ ഔദ്യോഗിക നേതൃത്വത്തിനുള്ള അതൃപ്തിയാണു നടപടിക്കു പിന്നിലെന്നാണ് സൂചന. ഉമ്മൻ ചാണ്ടി അനുകൂലികൾ ഡിസിസി നേതൃത്വത്തെ അതൃപ്തി അറിയിച്ചിട്ടുണ്ട്. പരിപാടിയിൽ പങ്കെടുക്കുന്ന നേതാക്കളുടെ മാത്രം ചിത്രമാണ് പോസ്റ്ററിൽ വച്ചതെന്നുമാണ്
സംഭവത്തിൽ ഡിസിസിയുടെ വിശദീകരണം.