ദില്ലി: സ്വിസ്ബാങ്കിലെ നിക്ഷേപത്തില്‍ ഇന്ത്യ 74-ാം സ്ഥാനത്ത്. ഇന്ത്യക്കാരുടെ പേരില്‍ 6757 കോടിരൂപയാണുള്ളത്. യുകെ യാണ് ഒന്നാമത്. സ്വിറ്റ്സര്‍ലന്‍ഡിലെ കേന്ദ്രബാങ്കു പുറത്തുവിട്ട 2018-ലെ കണക്കുപ്രകാരമാണിത്.
2016-ല്‍ 88-ാം സ്ഥാനത്തായിരുന്ന ഇന്ത്യ, ഒരു വര്‍ഷത്തിനിടയില്‍ 73-ാം സ്ഥാനത്തേക്ക് കടന്നിരുന്നു. ഇത്തവണ ആറുശതമാനം നിക്ഷേപമാണു കുറഞ്ഞത്. എന്നാല്‍, മറ്റുരാജ്യങ്ങളിലെ ആസ്തിയുടെ അടിസ്ഥാനത്തില്‍ ഇന്ത്യക്കാര്‍ നിക്ഷേപിച്ച തുക ഈ കണക്കില്‍പ്പെടില്ല.
സ്വിസ്ബാങ്കിലെ ആകെ വിദേശനിക്ഷേപം 99 ലക്ഷം കോടി രൂപയായിരിക്കുമ്പോള്‍ ഇന്ത്യക്കാരുടെ നിക്ഷേപം 6757 കോടിരൂപയാണെന്ന് സ്വിസ്് ബാങ്ക് പുറത്തുവിട്ട കണക്കുകള്‍ സൂചിപ്പിക്കുന്നു.
