84 മാസത്തിനുള്ളിൽ ഇന്ത്യയുടെ ആദ്യ അഞ്ചാം തലമുറ യുദ്ധവിമാനം ആകാശത്ത് പറന്നിരിക്കും

ഭാരതീയ വ്യോമസേനയെ ലോകത്തിലെ ഏറ്റവും അത്യാധുനിക അഞ്ചാം തലമുറ സ്റ്റെൽത്ത് യുദ്ധവിമാനങ്ങൾ കൊണ്ട് സജ്ജമാക്കുക എന്ന സ്വപ്നപദ്ധതിയായ അഡ്വാൻസ്ഡ് മീഡിയം കോംബാറ്റ് എയർക്രാഫ്റ്റ് (AMCA) പ്രതിരോധ നിർമ്മാണ രംഗത്ത് വൻ കുതിച്ചുചാട്ടത്തിന് വഴിയൊരുക്കുകയാണ്. പ്രതിരോധ മന്ത്രാലയം ഈ പദ്ധതിക്കായി സ്വകാര്യ മേഖലയിൽ നിന്നുള്ള വികസന-ഉൽപ്പാദന പങ്കാളിയെ (DCPP) തിരഞ്ഞെടുക്കുന്ന പ്രക്രിയയിലേക്ക് കടന്നതോടെ, ഭാരതീയ പ്രതിരോധ മേഖല ഇതുവരെ കാണാത്തത്ര വേഗതയിലും കൃത്യതയിലുമാണ് മുന്നേറുന്നത്. കരാർ ഒപ്പിട്ട് 84 മാസത്തിനുള്ളിൽ അഞ്ച് പ്രോട്ടോടൈപ്പ് വിമാനങ്ങൾ ഉപയോഗിച്ച് 1,800 പരീക്ഷണ പറക്കലുകൾ (Test Sorties) പൂർത്തിയാക്കുക എന്ന വിപ്ലവകരമായ ലക്ഷ്യമാണ് കേന്ദ്ര സർക്കാർ നിർദ്ദേശിച്ചിരിക്കുന്നത്. ഭാരതത്തിന്റെ പ്രതിരോധ നിർമ്മാണ മേഖലയ്ക്ക് ആഗോള തലത്തിൽത്തന്നെ വലിയ മേൽവിലാസം ഉണ്ടാക്കിക്കൊടുക്കാൻ പോകുന്ന ചരിത്രപരമായ ഒരു നീക്കമാണിത് #amca #indianairforce #stealthfighter #fifthgeneration #defenceproduction #dcpp #drdo #ada #makeinindia #aatmanirbharbharat #indiandefence #aerospace #militaryaviation #prototype #testsorties #defenceministry #iaf