വിയറ്റ്നാം ഓപ്പണ്‍ ബാഡ്മിന്‍റണില്‍ ഇന്ത്യയുടെ സൗരഭ് വര്‍മ്മയ്ക്ക് ഇന്ന് കിരീടപ്പോരാട്ടം

ഹാനോയ്- വിയറ്റ്നാം ഓപ്പൺ ബി.ഡബ്ല്യു.എഫ് ടൂർ സൂപ്പർ 100 ബാഡ്മിന്‍റൺ ചാമ്പ്യൻഷിപ്പിന്‍റെ പുരുഷ സിംഗിള്‍സില്‍ ഇന്ത്യയുടെ സൗരഭ് വര്‍മ്മയ്ക്ക് ഇന്ന് കിരീടപ്പോരാട്ടം. ചൈനയുടെ ലോക 68-ാം നമ്പര്‍ താരം സുൻ ഫീ സിയാങ് ആണ് സൗരഭിന്റെ എതിരാളി.ഇന്ത്യന്‍സമയം ഉച്ചയ്ക്ക് 12.50നാണ് മത്സരം. ജപ്പാൻ താരമായ മിനോരു കോഗയെ പരാജയപ്പെടുത്തിയാണ് സൗരഭ് വര്‍മ്മ ഫൈനലില്‍ കടന്നത്.ഇക്കഴിഞ്ഞ ജൂലൈയില്‍ സൗരഭ് വര്‍മ്മ യോനക്സ് യുഎസ് ഓപ്പണിന്‍റെ സെമി ഫൈനലില്‍ തോറ്റ് പുറത്തായിരുന്നു.