വൈദ്യുതി പ്രതിസന്ധി സമഗ്രമായ പദ്ധതിയിലൂടെയും കൃത്യമായ നയങ്ങളിലൂടെയും പരിഹരിക്കുമെന്ന് മുഖ്യമന്ത്രി വി.ഡി. സതീശന് വ്യക്തമാക്കി. പ്രതിസന്ധിയെ ഒരു അവസരമായി കാണുന്നുവെന്നും ഇതിനായി ആവശ്യമായ റെഗുലേഷന് ഒക്ടോബര് മാസത്തില് നിലവില് വരുമെന്നും അദ്ദേഹം കൊച്ചിയില് പറഞ്ഞു.
കഴിഞ്ഞ സര്ക്കാരിന്റെ കാലത്തെ വൈദ്യുതി കരാര് റദ്ദാക്കിയ നടപടിയെയും മുഖ്യമന്ത്രി രൂക്ഷമായി വിമര്ശിച്ചു. ഉമ്മന്ചാണ്ടി സര്ക്കാരിന്റെ കാലത്ത് 25 വര്ഷത്തേക്ക് 4.29 രൂപ നിരക്കില് വൈദ്യുതി വാങ്ങാനുള്ള കരാറുണ്ടായിരുന്നു. 2015 മുതല് 2013 വരെ ഈ രീതിയില് വൈദ്യുതി വാങ്ങിയിരുന്നെങ്കിലും, എട്ട് വര്ഷത്തിന് ശേഷം ഇതില് നടപടിക്രമങ്ങളിലെ ക്രമക്കേട് ആരോപിച്ച് കരാര് റദ്ദാക്കുകയാണുണ്ടായത്.
കരാര് റദ്ദാക്കിയതിലൂടെ ചെറിയൊരു തുക ലാഭിക്കാന് പോലും കഴിഞ്ഞില്ലെന്ന് അദ്ദേഹം ചൂണ്ടിക്കാട്ടി. 4.29 രൂപയ്ക്ക് വാങ്ങിയിരുന്ന കരാര് റദ്ദാക്കി പകരം പുറത്തുനിന്ന് 8 രൂപ മുതല് 14 രൂപ വരെ നല്കിയാണ് പിന്നീട് വൈദ്യുതി വാങ്ങിയത്. ഇത് വന് സാമ്പത്തിക ബാധ്യതയാണ് ഉണ്ടാക്കിയതെന്നും അദ്ദേഹം കൂട്ടിച്ചേര്ത്തു.
