ഗാസ : ഹമാസ് തലവൻ യഹിയ സിന്വറിന്റെ അവസാന നിമിഷങ്ങളെന്നവകാശപ്പെട്ടുകൊണ്ട് വീഡിയോ പുറത്തുവിട്ട് ഇസ്രയേല് പ്രതിരോധ സേന. സ്ഫോടനത്തിൽ തകര്ന്ന കെട്ടിട അവശിഷ്ടങ്ങള്ക്കിടയില് ഇരിക്കുന്ന ആളുടെ വീഡിയോയാണ് ഇസ്രയേല് പങ്കുവെച്ചത്. ഡ്രോൺ ഉപയോഗിച്ച് പകർത്തിയ ദൃശ്യങ്ങളിൽ ഇയാളുടെ ഒരു കൈ അറ്റ നിലയിലാണ്. ഡ്രോണ് അടുത്തേയ്ക്ക് ചെല്ലുമ്പോള് എന്തോ വസ്തു ഡ്രോണിനെതിരെ വലിച്ചെറിയുന്നത് ത് കാണാം. വീഡിയോയില് ഉള്ളത് യഹിയ തന്നെയാണെന്നാണ് ഐഡിഎഫ് വ്യക്തമാക്കുന്നത്.
Raw footage of Yahya Sinwar’s last moments: pic.twitter.com/GJGDlu7bie
— LTC Nadav Shoshani (@LTC_Shoshani) October 17, 2024
ഡിഎന്എ പരിശോധനയിലൂടെ കൊല്ലപ്പെട്ടത് യഹിയ തന്നെയാണെന്ന് സ്ഥിരീകരിച്ചെന്നും ഐഡിഎഫ് വൃത്തങ്ങള് പറഞ്ഞിരുന്നു. യഹിയയുടെ മരണം വലിയ നേട്ടമെന്നായിരുന്നു ഇസ്രയേല് വിദേശകാര്യമന്ത്രി കാറ്റ്സ് പറഞ്ഞത്.
2023 ഒക്ടോബര് ഏഴിന് ഹമാസ്, ഇസ്രയേലില് നടത്തിയ നരനായാട്ടിന്റെ മുഖ്യസൂത്രധാരന് യഹിയ സിന്വാര് ആയിരുന്നു. ഹമാസ് നേതാവ് ഇസ്മായില് ഹനിയ്യ 2024-ല് ടെഹ്റാനില് വെച്ച് ഇസ്രയേല് ആക്രമണത്തില് കൊല്ലപ്പെട്ടപ്പോള് പിന്ഗാമിയായിട്ടാണ് ഹമാസ്, യഹിയയെ അവരോധിച്ചത്. തിന്മയുടെ മുഖ’മെന്ന് ഇസ്രയേല് വിശേഷിപ്പിക്കുന്ന യഹിയ 22 വര്ഷം ഇസ്രയേല് തടവറയില് കഴിഞ്ഞിട്ടുണ്ട്. ഹമാസ് പിടികൂടിയ ഇസ്രയേല് സൈനികന് ഗിലാദ് ഷാലിത്തിനെ വിട്ടയക്കാന് പലസ്തീനി തടവുകാരെ മോചിപ്പിക്കണമെന്ന ധാരണയുടെ ഭാഗമായി 2011-ലാണ് യഹിയ ജയിലില്നിന്ന് മോചിതനായത്. 2015-ല് യഹിയയെ അമേരിക്ക ആഗോള ഭീകരനായി മുദ്ര കുത്തി.
