Saturday, November 21, 2026

കോവയ്ക്കയുടെ ഗുണങ്ങൾ അറിയാതെ പോകരുത്; ദിവസവും ആഹാരത്തില്‍ ഉള്‍പ്പെടുത്തിക്കോളൂ

കുട്ടികൾക്കും മുതിർന്നവർക്കും ഒരുപോലെ ഇഷ്ട്ടമുള്ള ഒന്നാണ് കോവയ്ക്ക. ഒരിക്കലെങ്കിലും കോവയ്ക്ക കഴിക്കാത്ത മലയാളി ഉണ്ടാകില്ല.ഇത് വേവിക്കാതെ പച്ചയ്ക്ക് കഴിക്കാവുന്ന ഒന്നാണ്.

കുക്കൂര്‍ ബിറ്റ്സ് എന്ന കുലത്തില്‍ പെടുന്ന കോവയ്ക്കയുടെ ശാസ്ത്രീയനാമം കൊക്ക ഗ്രാന്‍ഡിസ് എന്നാണ്. സംസ്‌കൃതത്തില്‍ മധുശമതി എന്നാണ് ഇത് അറിയപ്പെടുന്നത്. ഏത് കാലാവസ്ഥയിലും ധാരാളം ഫലം തരുന്നതിനാല്‍ വീട്ടമ്മമാരുടെയും കര്‍ഷകരുടെയും ഇഷ്ട സസ്യം കൂടിയാണിത്.

മറ്റ് പച്ചക്കറികളെ അപേക്ഷിച്ച് നഗരങ്ങളില്‍ താമസിക്കുന്നവരും ഇന്ന് കോവല്‍ കൂടുതലായി വളര്‍ത്തുന്നതായി കണ്ടു വരുന്നു. ത്വക്ക് രോഗം, മഞ്ഞപ്പിത്തം എന്നീ രോഗങ്ങള്‍ക്ക് പ്രതിവിധിയായും ഹൃദയം, തലച്ചോറ് എന്നിവയുടെ ശരിയായ പ്രവര്‍ത്തനത്തിനും കോവയ്ക്ക കഴിക്കുന്നത് ഉത്തമമാണെന്ന് വൈദ്യശാസ്ത്രം പറയുന്നു.

കൂടാതെ ഉദര രോഗത്തിന് പ്രതിവിധിയും, ദഹനശക്തി വര്‍ധിപ്പിക്കാനും രോഗപ്രതിരോധശേഷി വര്‍ധിപ്പിക്കുന്നതിനും കിഡ്നി സ്റ്റോണ്‍ മൂത്രത്തിലൂടെ അലിഞ്ഞു പോകുന്നതിനും അലര്‍ജി, അണുബാധ എന്നീ രോഗങ്ങള്‍ ഇല്ലാതാക്കാനും കോവയ്ക്ക നല്ല ഒരു ആഹാരമായി ഉപയോഗിക്കാം.

Related Articles

Latest Articles