മുംബൈ: കോവിഡിന്റെ അതിവ്യാപനത്തിനൊപ്പം ബ്ലാക്ക് ഫംഗസ് രോഗബാധയും റിപ്പോർട്ട് ചെയ്യുന്നത് ആശങ്ക പടർത്തുന്നു. ഇന്ന് മുംബൈയിൽ ഈ വർഷത്തെ ആദ്യ ബ്ലാക് ഫംഗസ് ബാധ റിപ്പോർട്ട് ചെയ്തു. ജനുവരി 5ന് 70 വയസ്സുകാരനു കൊവിഡ് സ്ഥിരീകരിച്ചിരുന്നു. തുടർന്ന് ജനുവരി 12ന് ബ്ലാക് ഫംഗസ് ലക്ഷണങ്ങൾ പ്രകടമാകുകയായിരുന്നു. നിലവിൽ രോഗി ചികിത്സയിലാണ്.
അതേസമയം നേരത്തെ രാജ്യത്ത് നാൽപ്പതിനായിരം കൊവിഡ് ബാധിതരിൽ മാരകമായ ബ്ലാക് ഫംഗസ് റിപ്പോർട്ട് ചെയ്തിരുന്നു. ഇതിൽ 741 കേസുകളും മുംബൈയിൽ ആയിരുന്നു.
ബ്ളാക്ക് ഫംഗസ് ബാധയുടെ ശാസ്ത്രീയനാമം മ്യൂകോർമൈകോസിസ് എന്നാണ്. മ്യൂകോർമൈസീറ്റ്സ് എന്ന പൂപ്പൽ കുടുംബത്തിലെ അംഗങ്ങളാണ് ഈ രോഗത്തിന് കാരണമാകുന്നത്. ഈ പൂപ്പലുകൾ സാധാരണയായി മണ്ണിലാണ് ഉണ്ടാവുക. പ്രത്യേകിച്ച് കൊഴിഞ്ഞുവീണ ഇലകൾ, കമ്പോസ്റ്റ്, ചാണകം തുടങ്ങി അഴുകുന്ന ജൈവവസ്തുക്കൾ കൂടുതലുള്ള മണ്ണിൽ ഇതിന്റെ സാന്നിദ്ധ്യമുണ്ടാകുന്നത്.
