ജാര്‍ഖണ്ഡിലെ ഗുംല ജില്ലയില്‍ മാവോയിസ്റ്റാക്രമണം. മാവോയിസ്റ്റുകളുടെ സംഘം ഇരുപത്തിയേഴ് വാഹനങ്ങള്‍ കത്തിച്ചു. സംഘത്തിനായി തെരച്ചില്‍ ആരംഭിച്ചതായി പോലീസ് അറിയിച്ചു. ബോക്സൈറ്റ് ഖനന സ്ഥലത്തിന് സമീപമാണ് വാഹനങ്ങള്‍ക്ക് തീയിട്ടത്.
വെള്ളിയാഴ്ച രാത്രി 8 മണിയോടെ ഒരു സംഘം ഖനനസ്ഥലത്തെത്തി വാഹനങ്ങള്‍ കത്തിച്ചു. ഒമ്പത് വാഹനങ്ങള്‍ പൂര്‍ണമായും കത്തി നശിച്ചതായി പോലീസ് സൂപ്രണ്ട് അറിയിച്ചു. ചില കാറുകള്‍ കത്തിനശിച്ചതായും മറ്റുള്ളവ ഭാഗികമായി തകര്‍ന്നതായും അദ്ദേഹം കൂട്ടിച്ചേര്‍ത്തു. കുറ്റവാളികളെ കണ്ടെത്താന്‍ തിരച്ചില്‍ ആരംഭിച്ചിട്ടുണ്ടെന്നും എസ്പി വ്യക്തമാക്കി.
