ദില്ലി: ജെ എൻ യു ക്യാമ്പസിനുള്ളിൽ ബലാത്സംഗശ്രമമെന്ന് പരാതി. ബൈക്കിലെത്തിയ ആള് വിദ്യാര്ത്ഥിനിയെ കടന്നു പിടിക്കുകയായിരുന്നു. ഗവേഷണ വിദ്യാര്ത്ഥിനിക്കാണ് കഴിഞ്ഞ ദിവസം രാത്രിയില് ദുരനുഭവം ഉണ്ടായത്.
അജ്ഞാതന് ബലാല്ക്കാരമായി വസ്ത്രങ്ങള് വലിച്ചുകീറിയതോടെ സുരക്ഷാ ഉദ്യോഗസ്ഥരുള്ള ഭാഗത്തേയ്ക്ക് രക്ഷപ്പെട്ട് ഓടുകയായിരുന്നു. അക്രമി ക്യാമ്പസിനുള്ളിൽ നിന്നും വന്നയാളെന്നാണ് പെൺകുട്ടിയുടെ മൊഴി. സുരക്ഷാ ഉദ്യോഗസ്ഥർ വരുന്നത് കണ്ടയുടനെ അയാൾ ക്യാമ്പസിന്റെ മറ്റൊരു ഭാഗത്തേയ്ക്ക് മറഞ്ഞെന്നും കുട്ടി പറഞ്ഞു. പോലീസ് കേസെടുത്ത് അന്വേഷണം ആരംഭിച്ചു. ക്യാമ്പസിലുള്ളവരെ കേന്ദ്രീകരിച്ചാണ് പോലീസ് അന്വേഷണം നടത്തുന്നത്.
